Ning e Ayuw u Tharmiy

Re mo’olung ney e rib falel’! Kamagar o, Laudry nge Enzo. Gimew be yip’ fan e pi’in rugod nge pi’in gapalpal ko Galasia.

Brothers nge sisters, bo’or ban’en ni kad rung’aged e daba’ ni mornga’agen e Galasia nike Sulyarmen—fare Galasia ni Tathapeg rodaed, ni Yesus Kristus, e ngongliy napan ni ba’ u fayleng nibe machib. Re Sulyarmen nem e tabab nika gaman 200 e duw ko re rran ney napan nike m’ug Got ni Chitamangiy nge Faak, ni Yesus Kristus ngak Joseph Smith ni kab gapalpal.

Ragag nge duw ko napan e biney e yi’iy, me Joseph Smith nge laal e gidii’ e ni pining raed ni yaed e pi’in ni kar ngongliyed fare Galasia rok Somoel nikan fulweg.

Chi ulung nem nikan fal’eg ko April 6, 1830, e ke garer u dakean e fayleng nike pag 16 milyon e gidii’ riy. Mangil nima rrin’ e re Galasia ney u dakean e fayleng e ma ba’ud nag boch e gagow ko gidii’ me pi’ e athamgil ngak gubin e gidii’. Machane bin nib ga’fan e ngan ayuweg e pumo’on, bpin, nge tabianew ni ngan laek Somoel ni Yesus Kristus, man fol ko pi motochiyel Rok, man thapeg e bin tha’abi mangil e tawa’ath—ni yafas nib manemus ni yiba’ rok Got nge pi’in nib tu’uf roraed.¹

Napan ni gadaed be tay fan e ngiyal’ ney ney ko Sulyarmen, ma baga’ fan ni napan ni gadaed be leam nag Joseph Smith nib profet rok Got, ma gathi iraray e galasia rok Joseph Smith, ma gathi galasia rok Mormon. Ireray bin riyul’ e Galasia rok Yesus Kristus. Ke dugliy ko mang e nge tunguy ko Galasi Rok: “Ma Galasia rog u lane tin tomur e rran, e ngan noeg Fare Galasia ku Yesus Kristus ni fan ko Gidii’en Got ko Tin Tomur e Rran.”²

Ku weliy faram mornga’agen nib tu’uf ni ngad yoegned fithngan e Galasia.³ Napan e ngiyal’ nem, ma bo’or ban’en ni ke buch ni yibe rrin’ e biney. Gub falfalen’ ngak President M. Russell Ballard nge gubin e Ulung ko fare Ragag nge L’agruwi Apostle, ni kar murwel gaed ni alamrin nge kuboech e gidii’ ni baygu weliy ko re balyal’ ney.

Pi toygang’ ko Galasia nge pi ofis, nge taliw, nge bukun e milyon e chonggin e galasia—nge kuboech e gidii’—e yima yoeg bin riyul’ e fithngan fare Galasia. Rogon e yilen ko Galasia e kan fal’eg rogon. Fithngan e website ko Galasia e chiney e ChurchofJesusChrist.org. Address ko email, rogon fithngan, nge channel riy ko social media e kan fal’eg rogon. Choir rodaed e chiney e “Fare Tabernacle Choir ko Temple Square.”

Kad rrin’ed gubin e pinn’ey ya napan ni kad chuweg ned fithngan Somoel ko fithngan e Galasia Rok, ma kad chuwegned Ir riy cha’an niba’ u lukngun e liyoer rodaed nge yafas rodaed. Napan ni gadaed ra feek fithngan fare Tathapeg nga dakean daed ko tawfe, ma kad micheg niged ni ngad manged e tamicheg, u lane tafney rodaed, mithmith rodaed, ni Yesus e ir Kristus.⁴

Kafram, ma ku micheg ni fa’anra gadaed ra “athamgil ni ngad fulwegned e bin riyul’ e fithngan e Galasia rok Somoel,” ma ra “pu’og nga but gelngin nge tawa’ath Rok nga dakean loelgen e Gidii’en Got ko Tin Tomur e Rran, ni daworun guyed bi’id.”⁵ Gube sul biyay u dakean e binem ni kug micheg e daba’.

Nge ayuweg daed ni ngad leam niged ma ngan nang mornga’agen Fare Galasia ku Yesus Kristus ni fan ko Gidii’en Got ko Tin Tomur e Rran ni Galasia rok Somoel ma gamaed falfalen’ ngay ni nggog ned e ba pow ni ra fanathin nag e gin ni fen Yesus Kristus u lane Galasia Rok.

Biney e pow bay fithngan e Galasia riy nikan yoloey ko tabthung ko fare malang. Yesus Kristus e ir e bay u lukngun fare tabthung ko malang.⁶

Lukngun fare pow e bay e bay boechi malang ni be yip’ fan Thorvaldsen ni ya’an Christus. Be dag ya’an fare foskoyam’, Somoel nib fos e be ki’iyag pa’ ninge tu’ufeg e pi’in ni ra yib Ngak.

Fananthin riy, ma Yesus Kristus e be sak’iy nga tanggin ba arch. Re arch nem e be pogran ngodaed fare Tathapeg nike fos ko yam’ nike yib u lane fare tomb ko bin dalip e rran ko tomuren nikan Kruth nag.

Biney e pow e badake manang oren e gidii’, rogon gadaed ni gadaed ma weliy e gospel nikan fulweg nibay nib fos, Kristus riy nike fos ko yam’.

Fare pow e chiney e ran murwel ngay ni fan ko ofis, news, nge pin’en nibe buch ko Galasia.⁷ Ra pogran ngak gubin e gidii’ ni iraray e Galasia rok e Tathapef ma gubin ban’en ni gadaed be rrin’, ni chonggin e Galasia Rok, ma be sar ngak Yesus Kristus nge gospel Rok.

Chiney, pi walageg nib t’uf rog, gabul i’ir e Palm Sunday, woed Elder Gong ke fil nib fel’ rogon. Nge mu’ ngad tabab fare week nib fel’ ko Easter. Gadaed e pi’in nima laek Yesus Kristus, ni gadaed bay ko ngiyal’ nika yib fare COVID- 19 nike wagay nag e fayleng, ma gathi kemus ni ngad weliyed mornga’agen Kristus fa ni machib nimornga’agen Kristus fa ni murwel ni yibe yip’ fan Kristus.

Ngad ted e mich rodaed ngak Somoel ni Yesus Kristus ko mithmith rodaed!

Rogon ni gimed manang, ma chonggin e Galasia e ma fol ko fare motochiyel ko fast ni ta’abiyay u lane pul.

Fare machib ko fast e kab kakrom. Ki rrin’ e gidii’ u lane bible ko fapi rran ni kab kakrom. Moses, David, Ezra, Isaiah, Daniel, JOel, nge bukun boech e gidii’ e ri fast gaed mar machib niged mornga’agen e fast.⁸ Thin nike yoloey Isaiah, ma be ga’ar Somoel: “Mit e pag e abich ni gu ba’adag e ba’aray? mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga proad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad?”⁹

Apostle Paul e non ko Gidii’en Got u lane Korinth ni ga’ar “tiyan’gow ko meybil.”¹⁰ Fare Tathapeg e Ir Rok e ke yoeg ni bay boech ban’en ni “ but by prayer and fasting.”¹¹

Kaffin gog ko social media ni “ni gub togta ko falay nge surgeon, ma gube tay fan e pi togta, nge scientist, nge kuboech e gidii’ nibe murwel ni dariy e tal ni ngan sag’al nag fare COVID- 19 ni dabki garer.”¹²

Chiney, ni gub President ko Fare Galasia ku Yesus Kristus ni fan ko Gidii’en Got ko Tin Tomur e Rran nge Apostle rok Yesus Kristus, Gu manang ni Got e “ir gubin e gelingin, nge gubin e gonop, nge gubin e nangaen’; ma gubin ban’en ma rayog rok’, ma ir Bee’ nib sug ko murnguy, nge madaʼ ko ngiyalʼ ni ke yog e yafos ni manemus, ngak’ e piʼin ni yaedra kalngaenʼ me michaen’raed nga fithingan.”¹²

Ere, napan e ngiyal’ nikan kirbaen’, napan nike alamrin fare m’ar, ma n’en ni gadaed ra rrin’ e ngad noned ngak e Chitamangdaed nu Tharmiy nge Faak—Masta ko Gol—ni ngar dagew gelngin Row ni ngar tawa’ath nigew e gidii’ u fayleng.

Lan nochi kachido ni ku ngongliy nib ngoch, ma ku pining gubin e gidii’ ni ngar uned ko fast ko fare Madnom, ko March 29, 2020. Oren e gimed e ke guy e re kachido nem ma ke un ko fare fast. Boech e dani un. Chiney e kab tu’uf e ayuw rodaed ninge yib u tharmiy.

Ere re balayal’ ney, o brothers nge sisters, ni woed fapi pumo’on ni faak Mosiah, ni ri pi’ed raed ngad fast gaed ma yaed be meybil,¹³ nge bang ko general conference rodaed ko April 2020, gube pong ni gube yoeg reb e fast u ga’angin yang u fayleng. Pi’in ni rayog rog, ngad fast gaed, man meybil gaed, ma gadaed ta’areb nag e mich rodaed biyay. Ngad meybil gaed ni ngad wenig niged e gapas ni nge yib nga fayleng.

Gube pining gubin, e gidii’ nib mu’un e pi’in ni dani mang ko taliw rodaed, ni nge fast me meybil ko fare Friday nib Mangil, ko April 10, ni ngeyog ni nge chuw e m’ar e chiney, maan ayuweg e pi’in nibe taflay, me mangil rogon e am, me fal’ rogon e paer.

Urogon ni ngad fast gaed? L’agruw e abich ningan taleg fa dabin abich ni 24 e awa. Machane thingar mu guy ko bin ngan e ba fal’ ngom, ma gabe leam nag fare miligach nike rrin’ fare Tathapeg ni fan ngom. Ngad ta’areb gaed i wenig nag e fayleng ni nge gol.

Friday nib Mangil e re rran nib mangil ni nge motoyil e Chitamangdaed nu Tharmiy nge Faak ngodaed!

Brothers nge sisters, ri gimed ma tu’uf rog, ma kugube yoeg e mich rog nib thothup e murwel ni gadaed be rrin’. Iraray Fare Galasia ku Yesus Kristus ni fan ko Gidii’en ko Tin Tomur e Rran Ir e bay ko loelgen ma be gagyeg nag gubin e pin’en ni gadaed be rrin’. Gu manang ni ra motoyil ko wenig ko gidii’ Rok. Gube micheg ni arrogon u dakean fithngan Yesus Kristus nib thothup, amen.