Kōttar wōt Irooj

Ro jeiū im jatū rejitenbōro, kōj jej aolep kijōrjōr—ejjeļo̧k eļapļo̧k jān n̄a—n̄an ron̄jake naan ko jān Rikanaan eo ad ejitōn bōro, Būreejtōn Russell M. Nelson. Ej juon kweilo̧k eo aiboojoj, ak kein karuo in an COVID-19 eo ekar kabōjrak imminene in kuk ippān doon ilo kweilo̧k ko. Jelukkuun in mōk kōn n̄an̄inmej in ekapopo, jej en̄jake an kooļin bōrad tūm̧ļok. Im ainwōt ad jeļā, jet iaan Em̧m̧aan ro Jeid im Jatid em̧ōj aer kōm̧m̧ane wāween in. Jouj im jeļā bwe kōm̧ij jar aolep iien kōn ro otemjej rekar jelet er ilo jabdewōt wāween, eļaptata n̄an jabdewōt eo ekar luuji ro rejitōn bōro ippāer. Aolep rej errā bwe menin em̧ōj an lukkuun m̧ootļo̧k, eaitok kitien.

Ewi aitokin ad kōttar n̄an jipan̄ jān men ko reppen me rej itok iood tok? Ak kōn en̄taan kōn māllijon̄ ko an juon make ejjeļo̧k jem̧ļo̧kier ilo ad kōttar im kōttar, im jipan̄ āinwōt erūm̧wij ilo an itok? Etke jej karūm̧ūjļo̧k n̄e eddo ko relukkuun eddo jān ad maron̄i?

Ilo ad kajjitōk kajjitōk rōt kein, jemaron̄, eļan̄n̄e jemaron̄, ron̄ ainikien bar juon ej jan̄ eban̄ijn̄ij tok jān juon jikin em̧oļo, jikin kalbuuj emarok ilo juon iaan winter ko rem̧oļotata innem pād ilo rekoot ilo jikin eo.

“O Anij, kwo pād ia?” jej ron̄ jān bwiļōn laļ in Jikin Kalbuuj Liberty. “Im ia eo em̧ nuknuk eo ej kalbubu jikin tilekek eo Am? Ewi toun naaj an Peim tōt wō?” ¹ Ewi toun, O Irooj, ewi toun ?

Aet em̧ool, ejjab kōj eo m̧oktata im ejjab nij kōj eo āiktata n̄an kajjitōk kajjitōk kein n̄e būrom̧ōj ej kadoiki kōj ak juon metak in bōro ej wōnm̧aanļo̧k wōt im etal wōt. Ijjab kiiō ekōnono kōn nan̄inmej ko rej jelōt aolepān laļ in ak jikin kalbuuj ko ak ij kōnono kōn kwe, baam̧le eo am̧, im ro ritūrūm̧ ro rej jelm̧aik elōn̄ idajon̄jon̄ ko. Ij kōnono kōn ikdeelel an elōn̄ armej ro im rekōņaan m̧are im im rejjab ak ro em̧ōj aer m̧are im rekōņaan bwe jemjerā eo aer en aiboojojļo̧k jidik. Ij kōnono kōn ro im rej mour kōn juon jekjek in juon nan̄imej eļap im ejjab em̧m̧an kalimjōke—bōlen juon eo ejjeļo̧k uno in—ak eo ej jelm̧aik juon tariņae ilo aolepān mour eo an kōn juon nan̄inmej ejjeļo̧k unokan. Ij kōnono kōn en̄taan ejjeļo̧k jem̧ļo̧kin ippān en̄jake im idajon̄jon̄ ko in nan̄inmej in kōmālij me ej kaddoik jetōb ko an elōn̄ armej ro rej en̄taan kaki, im ioon bōro ko an ro rej iakwe er im en̄taan ippāer. Ij kōnono kōn rijarm̧ōl ro, ro Rilo̧mo̧o̧r ekar ba n̄an kōj bwe jen jab meļo̧kļo̧k, im ij kōnono n̄an kwe eo kwoj kōttar an juon nejim ro̧o̧ltok, jekdoon ta iiō eo, eo ekar kālet juon iaļ oktak jān eo kwar jar kake bwe en ilo̧k ie ļo̧k.

Ilōn̄inļo̧k, ij kile bwe jekdoon laajrak in aitok in men ko im jemaron̄ make kōttar ejjab jelōt n̄an kōnono kōn enonomy eo eļap, political, im inepata ko ikkijeen social me ekkā aer iooktok kōj. Jemedwōj Ilan̄ ej kōtmene bwe jen kwaļo̧k jorrāān kein an lo̧bwilej im barāinwōt ko ad make, ak enaaj wōr iien ko ilo mour ko ad n̄e kijejeto im ikdeelel eo ad em̧m̧antata, akweļap ilo jar ko ejjab dāpij ad anjo̧ ioon men ko jekōņaan, men̄e ej ilo jorrāān im ijorrāān ko reļļap an aolepān laļ in ak ko reddik an juon make. Aaet ilo ad jerbal im kōttar ippān doon n̄an uwaak ko n̄an jet iaan jar ko ad, ij lewaj n̄an kom̧ juon kallim̧ur āinwōt juon rijilōk bwe em̧ōj ron̄ jar ko im em̧ōj uwaaki, bōtaab bōlen ejjab ilo iien eo ak ilo wāween eo jekōņaan. Bōtaab rej aolep iien uwaak ilo iien eo im ilo wāween eutiejtata im eļap obrak kōn iakwe ejjeļo̧k jem̧ļo̧kin juon pāāren ej aikuj uwaaki. Ro jeiū im jatū rejitōnbōro, jouj im meļeļe bwe Eo jāmin mejki ak kiki ² ej kea kōn m̧ōņōņō eo im mour indeeo an ro Nejin ilōn̄in men otemjej me juon armej eo ekwojarjar ej aikuj kōm̧m̧ane. E em̧ool an iakwe, piktokin aiboojoj, im Jemān Tūriam̧o ej et eo Etan.

“Eļan̄n̄e, un eo in,” kwomaron̄ ba, “ejjab aikuj bwe ke iakwe eo im tūriam̧o eo An en kar pidodo an kōjjepeļo̧k Loṃaḷo Ekilmūr ko ad make im kōtļo̧k bwe jen etetal ibwiļōn ļōkapokpok ko ad ilo ioon ene em̧ōrā? Ejjab aikuj ke bwe En kar jilikintok ilo 21st-century eo seagull ko jān jet jikin n̄an kan̄i aolepen cricket ko rej kōm̧m̧an jorrāān ilo 21st-century eo?”

Uwaak eo n̄an kajjitōk rōt in ej “Aet, Anij emaron̄ letok kabwilōn̄lōn̄ ko ilo juon wōt iien, ak ejjab to jān kiiō ak tokālik jej ekkatak bwe iien ko im season ko ilo iaļ in mour in ad ilo mour in rej An im An make n̄an kōjebwebweik.” Ej letok kōļōnta eo n̄an aolepād kajjojo emakeļo̧k. Aolep armej ro ekar wōr nan̄inmej ippāer kar kōmour er ilo iien eo wōt ilo aer kōttar n̄an deļo̧n̄e Jikin Tutu eo Betesda, ³ bar juon armej enaaj mour kōttar 40 iiō ko ilo āne jam̧den n̄an deļo̧n̄eļo̧k aelōn̄ in kallim̧ur. ⁴ N̄an aolep Nipai im Liai kar kōjparok er jān juon kijeek kar jepooļ er kōn tōmak eo aer, ⁵ ewōr ippād Abinadi eo kar tūle ilo juon kijeek kōn an tōmak. ⁶ Im kemeemej bwe ejja Ilaija eo ilo juon iien em̧ōkaj kar kūr laļ tak kijeek n̄an kwaļok kam̧ool n̄an jum̧ae priest ro an Baal ⁷ ej ejja Ilaija eo wōt ekar niknik ilo juon iien eo ke ekar ejjeļo̧k wōt ium̧win iiō ko rellōn̄ im wōn, eo ilo juon iien, kar naajidik e wōt kōn pilawe ko me remaron̄ kar ineeki ilo pā ko rekkan̄ pein bao raven. ⁸ Jān jon̄an aō make laleļo̧k, menin ejjab juon men eo me jemaron̄ kar ba “juon iien m̧ōn̄ā ekam̧ōņōņō.”

Un eo? Un eo ej bwe tōmak ej meļeļein lōke Anij ilo iien ko rem̧m̧an im ko renana, men̄e menin ekitbuuj jet en̄taan m̧ae jenaaj lo an kwaļok Pein. ⁹ Menin emaron̄ pen ilo laļ in ad raan kein n̄e elōn̄ armej rej ļōmņak bwe n̄an bōk mour eo em̧m̧antata ej n̄an jab tōpar aolep en̄taan, bwe ejjeļo̧k juon aikuj en̄taan kōn jabdewōt men. ¹⁰ Ak tōmak eo eban tōl kōj n̄an “jon̄an rūttoun an Kraist obrak.” ¹¹

Ippan naan in jeorļo̧k bwōd n̄an Elder Neal A. Maxwell kōn an kar kōdepakpakļo̧k juon men ekar ba, ij bar āinwōt elmakote bwe “juon an armej mour … eban jim̧ōr obrak kōn tōmak im ejjeļo̧k inepata ko ie.” Eban jerbal “etal wōt ilo mour in” ilo ad ba bwe jej idraake juon kap in ļaim̧: “Irooj, letok aolepān kālet ko am rerreo, ak lukkuun lale bwe kwon jab letok liājļōļ, būrom̧ōj, im māllijon̄. Jouj im jab kōtļo̧k bwe juon en dike n̄a ak etao ki eō, im ilōn̄in aolep men, jab kōtļo̧k bwe in atajinemjen jān Eok ak ro me ij iakwe er. Ilo m̧ool, Irooj, kōkm̧anm̧an n̄an kattoļo̧k eō jān aolepān en̄jake ko me rekar kōm̧m̧an bwe Kwon ekwojarjar. Innem, n̄e ejem̧ļo̧k iien ko reppen jān aolep, jouj im kōtļo̧k eō n̄an itok im jokwe Ippam̧, ijo imaron̄ nebar kōn wāween arro jab oktak jān doon ilo kajooor ko ad im m̧wil ko ad rej āinwōt aō epāpe ippān ļo̧k ilo ioon kōdo̧ ilo Mour in Rikūrijin eo aō me em̧m̧an jokku ņa ie.” ¹²

Ro jeiū im jatū rejitōn bōro, Mour in Rikūrijin ej kaenōm̧m̧an, ak eiten aolep iien ejjab em̧m̧an jokku ņa ie. Iaļ eo n̄an ekwojarjar im m̧ōņōņō ijin im mour eo tokālik ej aitok im jet iien edekāke. Ebōk iien im kijejeto n̄an etal ieļo̧k. Ak, em̧ool, jem̧lo̧k eo n̄an kōm̧m̧ane āindein ekanooj ļap. M̧ool in ej katakin ilo alikkar im ilo kijejeto ilo 32 jepta ilo Alma ilo Bok in Mormon. Ewōr juon priest eutiej ej katakin bwe eļan̄n̄e naan eo an Anij ej kallip ilo būruwōd āinwōt juon ine, im eļan̄n̄e jenaaj lukkuun kea kake jon̄an n̄an utdikdik e, joļok ujooj ko renana jān tūrin, kōkajiririik, im rojan̄ e, enaaj ilo ilju im jakļaj enaaj kalle leen ko “eo eaorōk, … etōn̄al ilōn̄in men otemjeļo̧k,” im n̄e kwonaaj m̧ōn̄āiki enaaj tōl n̄an jekjek eo me koban bar maro im kwole. ¹³

Elōn̄ katak ko kar katakin ilo jepta in ekabwilōn̄lōn̄ ak ej pād ioļapļapier n̄an aolepāer me raorōk bwe juon ine en maron̄ bōk an mour im jej aikuj kōttar an rūttoļo̧k, jej “[reim̧aanļo̧k]kōn mejān tōmak n̄an leen.” ¹⁴ Iien ain le ko leen ekkan ko ad, Alma ej ba “jidik wōt iien” ¹⁵ Jidik bwilōn̄ bwe ekar kōjem̧ļo̧k naan in ikkilōk in katakin ko an jān āliji jilū kattōn juon kūr n̄an niknik im kijejeto ilo kajiririik naan eo an Anij ilo būruwōd, “kōttar,” āinwōt an ba, kōn “meanwōd … n̄an wōjke eo n̄an le leen n̄an kom̧.” ¹⁶

COVID im cancer, bere im inepata, jorrāān ilo jāān im mālijon̄ ko an baam̧le. N̄āāt eo eddo kein naaj lōn̄aj lōn̄ļo̧k? Uwaak eo ej “jidik wōt iien” ¹⁷ Im men̄e enaaj ilo juon iien eo ekadu ak juon eo eaitok ejjab koņaad n̄an ba aolep iien, ak jān tūriam̧o eo an Anij, im kōjeraam̧m̧an ko rej itok n̄an ro rej lukkuun dāpdep n̄an gospel eo an Jisōs Kraist. Menin em̧ōj kar kōm̧m̧an koņ kake ilo juon jikin kallip eo ejenolo̧k im ilo juon toļ jidikdik eo aolep rej etal n̄an̄e ilo Jerusalem jem̧aanļo̧k.

Ilo ad kiō lukkuun ron̄jake rikanaan eo ad ejitōnbōro ilo kweilo̧k in, jemaron̄ ke kemeemej, ilo an Russell Nelson kar kalikkar kōn aolepān mour eo an, bwe ro rej”Kattare Irooj renaaj kōkāāl aer kajoor [im] renaaj jepeḷālōñḷọk kōn peir āinwōt igōl ko; renaaj ettōr im jab ṃōk; … renaaj etetal im jab parōk.” ¹⁸ Ij jar bwe “jān im jān”—kiō ak tokāļik—kōjeram̧m̧an ko renaaj itok n̄an aolepāmi kajjojo ro rej kappukot jipan̄ jān inepata ko im anjo̧ jān am̧ būrom̧ōj. Ij kwaļok ao kam̧ool kōn iakwe an Anij im Jepļaaktok eo an gospel eo An eaiboojoj, eo ej juon wāween ak bar uwaak n̄an aolep jorrāān ko jej iooni ilo mour. Ilo et in pinmuur eo etan Irooj Jisōs Kraist, amen.