Yesu Kristo Ni Nguvu ya Vijana

Rafiki zangu vijana wapendwa, kama Mwokozi angekuwepo hapa sasa hivi, Je, Yeye angesema nini kwenu?

Ninaamini angeanza kwa kuonyesha upendo Wake wa dhati kwenu. Angeusema kwa maneno, lakini pia ungetiririka kwa kasi—kutoka uwepo Wake—kwamba isingekuwa ya kutoeleweka, ukifika kwa kina mioyoni mwenu, ukijaza nafsi yenu!

Lakini bado, kwa sababu sote tu wadhaifu na tusio kamili, baadhi ya dukuduku zingekuja mawazoni mwenu. Mngeweza kukumbuka makosa mliyoyafanya, nyakati ambazo mlishindwa na jaribu, vitu ambavyo mngetamani msingevifanya—au ambavyo mngevifanya vizuri.

Mwokozi angehisi hilo, na naamini Angewahakikishia kwa maneno Aliyoyasema kwenye maandiko:

“Usiogope.”¹

“Usiwe na shaka.”²

“Jipeni moyo.”³

“Msifadhaike mioyoni mwenu.”⁴

Sidhani kama Angehalalisha makosa yenu. Asingeyafumbia macho. Hapana, angewataka mtubu—kuziacha dhambi zenu, kubadilika, ili kwamba Awasamehe. Angewakumbusha kwamba miaka 2,000 iliyopita Alizichukua dhambi hizo juu Yake ili kwamba muweze kutubu. Hiyo ni sehemu ya Mpango wa furaha tuliopewa zawadi kutoka kwa Baba mpendwa wa Mbinguni.

Yesu angesema wazi kwamba maagano yenu na Yeye—yaliyofanywa wakati mnabatizwa na kufanywa upya kila mara mpokeapo sakramenti—huwapa muunganiko maalum na yeye. Muunganiko ambao maandiko yanaufafanua kama kuvikwa nira pamoja ili kwamba, kwa msaada Wake, muweze kubeba mzigo wowote.⁵

Ninaamini Mwokozi Yesu Kristo angewataka muone, kuhisi na kujua kwamba Yeye ni nguvu yenu. Kwamba kwa msaada Wake, kusiwe na mwisho wa kile mnachoweza kutimiza. Kwamba uwezekano wenu wa kuwa ni usio na mwisho. Angewataka mjione kama vile Awaonavyo. Na hiyo ni tofauti na jinsi ulimwengu uwaonavyo.

Mwokozi angetamka, kwa virai dhahiri, kwamba wewe ni binti au mwana wa Mungu Mwenyezi. Baba yako wa Mbinguni ni mtukufu zaidi ya wote katika ulimwengu, mwingi wa upendo, furaha, usafi, utakatifu, nuru, rehema na ukweli. Na siku moja Anataka ninyi mrithi vyote Alivyonavyo.⁶

Ni kwa sababu hii ninyi mko hapa duniani—kujifunza, kukua na kuendelea na kuwa vile ambavyo Baba yenu wa Mbinguni alikusudia muwe pale alipowaumba.

Ili kuwezesha hili, Alimtuma Yesu Kristo kuwa Mwokozi wenu. Hilo ni dhumuni la mpango Wake mkuu wa furaha, Kanisa Lake, ukuhani Wake, maandiko—na vingine vyote.

Hiyo ndiyo takdiri yenu. Hiyo ndiyo kesho yenu. Huo ni uchaguzi wenu!

Kiini cha mpango wa Mungu kwa ajili ya furaha yenu ni katika nguvu yenu ya kufanya chaguzi.⁷ Bila shaka, Baba yenu wa Mbinguni hutaka mchague furaha ya milele pamoja Naye, na Atawasaidia kuifikia hilo, lakini kamwe Asingelazimisha hilo juu yenu.

Hivyo anawaruhusu mchague: Mwanga au kiza? Wema ua uovu? Furaha au huzuni? Uzima wa milele au kifo cha kiroho?⁸

Inaoneka kama uchaguzi rahisi, sivyo? Lakini kwa kiasi fulani, hapa duniani, huonekana ni mgumu kuliko ambavyo ungetakiwa kuwa.

Tatizo ni kwamba si mara zote tunaviona vitu kiuhalisia kama vile ambavyo vingetakiwa kuonekana. Mtume Paulo alilinganisha hili kama kuangalia “kwa kioo kwa njia ya fumbo.”⁹ Kuna mkanganyiko sana kwenye ulimwengu kuhusu kilicho chema na kiovu. Ukweli unapindishwa kufanya uovu kuonekana wema na wema kuonekana uovu.¹⁰

Lakini wakati kwa dhati mnapoutafuta ukweli—wa milele, ukweli usiobadilika—chaguzi zenu huwa dhahiri zaidi. Ndio, bado mna majaribu na changamoto. Vitu viovu bado hutokea. Mambo ya kukanganya. Mambo ya kuhofisha. Lakini bado mnaweza kustahimili wakati mnapojua ninyi ni akina nani, kwa nini mko hapa, na wakati mnapomwamini Mungu.

Hivyo basi wapi mnaupata ukweli?

Unapatikana katika injili ya Yesu Kristo. Na utimilifu wa injili hiyo unafundishwa katika Kanisa la Yesu Kristi la Watakatifu wa Siku za Mwisho.

Yesu Kristo alisema, “Mimi ndimi njia, na kweli, na uzima; mtu haji kwa Baba, ila kwa njia ya mimi.”¹¹

Wakati una chaguzi muhimu za kufanya, Yesu Kristo na injili Yake ya urejesho ni uchaguzi bora zaidi. Unapokuwa na maswali, Yesu Kristo na injili Yake ya urejesho ni jibu bora zaidi. Unapohisi dhaifu, Yesu Kristo ni nguvu yako.

Yeye huwapa nguvu waliodhoofu; na kwa wale wahisio kukosa nguvu, Huwaongezea nguvu.

Wale ambao humngojea Bwana watafanywa upya kupitia nguvu Zake.¹²

Ili kuwasaidia kuipata Njia na kuwasaidia kufanya mafundisho ya Kristo kuwa mwongozo wenye ushawishi katika maisha yenu, Kanisa la Yesu Kristo la Watakatifu wa Siku za Mwisho limeandaa nyenzo mpya, iliyopitiwa upya ya Kwa Ajili ya Nguvu Kwa Vijana.

Picha

Muhtasari wa Kwa Ajili ya Nguvu kwa Vijana

Kwa zaidi ya miaka 50, Kwa Ajili ya Nguvu Kwa Vijana imekuwa mwongozo kwa vijana Watakatifu wa Siku za Mwisho. Mara zote naweka nakala kwenye mfuko wangu, na ninashiriki na watu ambao wanadadisi kuhusu viwango vyetu. Imefanywa upya na kutiwa nguvu ili kukidhi vyema changamoto na majaribu ya siku zetu. Toleo jipya la Kwa Ajili ya Nguvu Kwa Vijana sasa linapatikana katika lugha 50 tofauti na itakuwa msaada mkubwa kwa ajili ya kufanya chaguzi maishani mwenu. Litakuwa msaada mkubwa kwa ajili ya kufanya chaguzi maishani mwenu. Tafadhali likumbatieni kama ni lenu wenyewe na lishiriki na rafiki zenu.

Picha

Muhtasari wa Kwa Ajili ya Nguvu kwa Vijana

Toleo hili jipya la Kwa Ajili ya Nguvu Kwa Vijana limepewa kicha cha habari saidizi Mwongozo wa Kufanya Chaguzi.

Nikiweka wazi, mwongozi bora kushinda wote mnaoweza kuwa nao katika kufanya chaguzi ni Yesu Kristo. Yesu Kristo ni nguvu ya vijana.

Hivyo dhumuni la Kwa Ajili ya Nguvu kwa Vijana ni kuwaelekeza Kwake. Huwafundisha kuhusu kweli za milele za injili Yake iliyorejeshwa—kweli kuhusu ninyi ni nani, Yeye ni nani, na kile mnachoweza kutimiza kupitia nguvu Zake. Huwafundisha jinsi ya kufanya chaguzi njema kulingana na kweli hizo za milele.¹³

Pia ni muhimu kujua kile Kwa Ajili ya Nguvu Kwa Vijana haikifanyi. Haifanyi chaguzi kwa ajili yenu. Haiwapi “ndio au “hapana” kuhusu kila uchaguzi ambao mnaweza kukutana nao. Kwa Ajili ya Nguvu Kwa Vijana inafokasi kwenye msingi kwa ajili ya chaguzi zenu. Inafokasi kwenye maadili, kanuni na mafundisho badala ya kila tabia maalum.

Bwana, kupitia manabii Wake, kila mara amekuwa akituongoza katika mwelekeo huo. Anatusihi tuongeze uwezo [wetu] wa kiroho wa kupokea ufunuo.”¹⁴ Anatualika “Tumsikilize Yeye.”¹⁵ Anatuita kumfuata katika njia za haki na takatifu.¹⁶ Na tunajifunza katika njia sawa na hiyo kila wiki katika Njoo, Unifuate.

Nadhani mwongozo ungekupa orodha ndefu ya nguzo za kutovaa, maneno ya kutosema na video za kutoangalia. Lakini je, hiyo itasaidia kwenye kanisa la ulimwenguni kote? Je, njia hiyo kweli ingewaandaa ninyi kwa ajili ya maisha yote ya kama Kristo?

Joseph Smith alisema “Ninawafundisha kanuni sahihi, na wanajiongoza wenyewe.”¹⁷

Na mfalme Benjamini aliwaambia watu wake kwenye Kitabu cha Mormoni, “siwezi kuwaelezea vitu vyote ambavyo vinaweza kuwasababisha kutenda dhambi; kwani kuna njia nyingi na mbinu nyingi sana hata kwamba siwezi kuzihesabu.”¹⁸

Mfalme Benjamini aliendelea kwa kusema, “Lakini kwa haya naweza kuwaambia hivi, … mjichunge wenyewe, na mawazo yenu, na maneno yenu, na matendo yenu, na mfuate sheria za Mungu, na kuendelea kwa imani … kwa Bwana wetu, hadi mwisho wa maisha yenu.”¹⁹

Picha

Mwokozi Yesu Kristo

Je, ni vibaya kuwa na sheria? Hapana. Sote tunazihitaji kila siku. Lakini ni vibaya kufokasi kwenye sheria pekee badala ya kufokasi kwa Mwokozi. Mnahitaji kujua kwa nini na jinsi, na kisha kufikiria matokeo ya chaguzi zenu. Mnahitaji kuweka tumaini lenu kwa Yesu Kristo. Yeye atawaongoza katika njia sahihi. Yeye ni nguvu yenu.²⁰

Kwa Ajili ya Nguvu Kwa Vijana ni shupavu katika kutangaza mafundisho ya Yesu Kristo. Ni shupavu kwenye kuwaalika kufanya chaguzi kulingana na mafundisho ya Kristo. Na ni shupavu kwenye kuelezea baraka Yesu Kristo huwaahidi wale wanaofuata Njia Yake.²¹

Rais Russell M. Nelson alifundisha: “Wakati hamu yako kuu inapokuwa kumwacha Mungu ashinde [maishani mwenu] … maamuzi mengi yanakuwa rahisi. … Matatizo mengi yanakuwa si matatizo tena! Unajua namna bora ya kujiandaa mwenyewe! Unajua nini cha kuangalia na kusoma, wapi pa kutumia muda wako, na nani wa kuhusiana naye. Unajua kile unachotaka kutimiza. Unajua ni aina gani ya mtu … unataka kuwa.”²²

Yesu Kristo ana viwango vya juu sana kwa wafuasi Wake. Na mwaliko wa dhati kutafuta mapenzi Yake na kuishi kulingana na kweli Zake ni kiwango cha juu kinachowezekana!

Maamuzi muhimu ya kimwili na kiroho hayapaswi kuwa tu ni mapendeleo binafsi, au kile ambacho ni kawaida kwetu au maarufu.²³ Bwana hasemi, “Fanya utakavyo.”

Anasema, “Acha Mungu Ashinde.”

Anasema, “Njoo, unifuate.”²⁴

Anasema, “Ishi katika njia takatifu, ya juu na ya kukubalika.”

Anasema, “Zishike amri Zangu.”

Yesu Kristo ni mfano wetu mkamilifu, na tunajitahidi kwa nguvu zetu zote kumfuata.

Rafiki zangu wapendwa, acha nirudie, kama Mwokozi angesimama hapa leo, Angeonyesha kwenu upendo Wake usio na mwisho, imani Yake yote kwenu. Angewaambia kuwa mnaweza kufanya hili. Mnaweza kujenga maisha ya shangwe na furaha kwa sababu Yesu Kristo ni nguvu yenu. Mnaweza kupata kujiamini, amani, usalama, furaha, na kuhisi kupendwa sasa na milele, kwa sababu mtapata yote katika Yesu Kristo, injili Yake, na kwenye Kanisa Lake.

Juu ya hili natoa ushuhuda wangu wa dhati kama Mtume wa Bwana Yesu Kristo na kuwaachia baraka za dhati kwa shukrani na upendo kwenu, katika jina la Yesu Kristo, amina.