Mga Ideya sa Family Home Evening

Kining mga sugyot sa pagtudlo mahimong gamiton sa klasehanan ingon man usab sa panimalay. Mahimo ninyong ipahaum kini nga mga ideya sa inyong pamilya o klase.

“Mga Istorya sa Kasulatan isip mga Sumbanan sa Atong mga Kinabuhi,” p. 16: Sugdi pinaagi sa pagbasa sa asoy ni David ug Goliath, gamit ang modelo gikan sa artikulo. Samtang moistorya ikaw og laing istorya sa kasulatan, pangitaa ang “sila-didto-kaniadto.” Ilista kini sa papel. Ipangutana kon sa unsa nga paagi ang istorya napareha sa atong panahon, nga maglista sa “ako-diri-karon.” Hisguti kon sa unsang paagiha nga kini nga pamaagi makatabang sa inyong personal ug pamilya nga pagtuon sa kasulatan.

“Kaligdong: Usa ka Mahangturon nga Baruganan alang sa Tanan,” p. 28: Pagmainampoon sa pag-andam niini nga leksyon, ingon nga kini mahimong usa ka sensitibo nga hilisgutan. Ipasabut unsa ang kaligdong ug ngano nga importante kini, ginamit ang mga seksyon nga “Unsa Ang Pagkaligdong?” “Nganong Pagkaligdong?” ug “Usa ka Mahangturon nga Baruganan.” Ipasabut og maayo ang ideya nga ang kaligdong makadapit sa pagpakig-uban sa Espiritu Santo. I-istorya ang istorya gikan sa seksyon “Ang mga Panalangin Inubanan sa Pagkaligdong,” ug dapita ang mga sakop sa pamilya sa pagpakigbahin sa mga panalangin nga ilang nadawat o naobserbahan gikan sa pagsinina og tarung.

“Nindot nga mga Butang sa Umaabot,” p. 36: Basaha ang istorya, ug ipalista sa mga sakop sa pamilya ang mga sitwasyon nga nagkinahanglan og kaisug. (Kinahanglan nimong ipasabut ang konsepto sa kaisug ngadto sa gagmay nga mga bata. Ang mga istorya sa mga pahina H6–H7 mga maayo nga ehemplo.) Hisguti kon sa unsa nga paagi nga ang misyonaryo makaangkon og kaisug ug sa unsa nga paagi nga ang mga sakop sa pamilya makagamit sa samang baruganan ngadto sa mga aytem sa ilang mga lista.

“Kanunay nga Naningkamot,” p. 38: Paghatag og tualya ngadto sa matag sakop sa pamilya. Hangyoa ang matag tawo sa pagpilo sa tualya nga ang usa ka kamot anaa sa iyang luyo, ug tan-awa kinsa ang pinakapaspas nga makapilo niini. Ipakigbahin ang istorya gikan sa kinabuhi ni Elder Octaviano Tenorio. Hisguti kon unsa nga mga hiyas ang anaa kaniya nga nakatabang kaniya sa pagkab-ot sa iyang mga tumong. Hangyoa ang mga sakop sa pamilya sa pagpilo sa mga tualya nga ang duha ka kamot anaa sa ilang atubangan. Hisguti kon ngano nga ang paghatag og hingpit nga paningkamot makatabang sa pagkab-ot sa mas maayo nga resulta.