Peran im M̧ool

Juōn iaan un ko an mour in ilo laļ in ej n̄an kam̧ool n̄an Anij bwe jenaaj kōjparok kien ko An n̄e ej bōk peran. Jaar anjo jān mālijjon̄ in ilo mour eo m̧okta ilo jetōb. Bōtaap juōn m̧ōttan jilu in ro ilo lan̄ raar tariņae ņae elmakot eo bwe ren maron̄ bōk mālijjon̄ ilo mour ioon laļ ijo eaar wōr kauwatata ke remaron̄ in jab wiin.

M̧okta jen ad kar ļotak, jar jeļā Anij Jemed im Eo Nejin, Jisōs Kraist. Jekar maron̄ loe Er im ron̄jake Er ilo aer katakin im kapilōk kōj. Kiiō juōn ran̄ōl eo em̧ōj likūt ioon kōļmenļo̧kjeņ im ememļo̧kjeņ ko ad. Satan, jemen ro reriab, ewōr an anjo kōnke kōj jej aikuj loe lukkun wōn kōj ilo mejān tōmak, ilo an ānbwinid kōm̧m̧an bwe jen rikamakoko n̄an kabo an kanniek im n̄an mōjno̧ ko an kanniek.

Ewōr ippād jipan̄ ko reļlap n̄an letok n̄an kōj kajoor ilo mour in. Eo eļaptata ej Pinm̧uur eo an Jisōs Kraist. Kōn wāween eo eaar kōm̧m̧ane, jerawiwi ko remaron̄ jako ilo dān in peptaij. Kōj jemaron̄ in kōkāāl kōjeraam̧m̧an in eļan̄n̄e jej bōk kwojkwoj kōn tōmak im kōn juōn būro in ukwelo̧k.

Men in letok ko an jetōb rej bar juōn kein jipan̄. Kōj jej bōk Jetōb eo an Kraist ilo ļotak. Wāween in ej letok n̄an kōj kajoor n̄an jeļā eļan̄n̄e kālet eo im̧aad enaaj tōl kōj n̄an mour indeeo. Jeje ko rekwojarjar ej juōn kein tōl ejim̧we n̄an tōl eļan̄n̄e jej riiti ilo an Jetōb Kwojarjar āinwōt eo m̧ōttad.

Jetōb Kwojarjar eo ej kōtļo̧k kōj n̄an kwaļo̧k kam̧oolol im kajjitōk kōn jipan̄ ilo jar kōn alikkar im lōke eo jej lan̄lōn̄ ippān Jemedwōj Ilan̄ im eo enaaj pād ippād n̄e jenaaj jepļaak n̄an E. Kōnono eo ippān Anij ej jipan̄ kōjakoikļo̧k mijak jān būruōd ilo an kalōk tōmak im iakwe eo an Jemedwōj Ilan̄ im Jisōs Kraist.

Priesthood eo ekwojarjar ej letok n̄an kōj peran ilo jerbal ko ad. Ilo kain̄i ko an jej bōk kajoor n̄an jerbal n̄an ajri ro nejin Anij im pukōt mejlen wāween ko renana. N̄e E ej kūr kōj n̄an jerbal, jaar kallim̧ur kōn menin bwe jabdewōt eo ej bōk kōj, barāinwōt enaaj bōk e, bwe E enaaj etal im̧aan mejām. Enaaj pād ilo tuanbwij maron̄in peim im ilo tuanmiin̄, im Jetōb eo aō enaaj pād ilo būruwōd, im enjeļ ro An renaaj jepool kom̧, n̄an jipan̄ kōj (lale D&C 84:88).

Rikanaan eo Joseph Smith ilo jerbal eo an eaar wōr un n̄an an mijak. Bōtaab Anij eaar leļo̧k n̄an e peran kōn bōklōkōt in waanjon̄ak eo an M̧aajta eo:

“Ekar ba eļan̄n̄e Joseph rekar joļo̧k e ilo ron̄, ak ilubwirenpein riuror ro, im liakeļo̧k n̄an mej ej pād ioom̧; eļan̄n̄e naaj joļo̧k e ilo ijo emūlaļ, eļan̄n̄e rej urur renaaj ippān doon ņae e, eļan̄n̄e kōto ko rekajoor renaaj erom an rikōjdat, eļan̄n̄e lan̄ enaaj kobaik marok, im aolep wāween ko rej koba n̄an wanlōn̄tak, im eļaptata, eļan̄n̄e lon̄in hell enaaj pelļo̧k eļap ālikin, e ej aikuj jeļā bwe aolep men kein renaaj lewōj n̄an eok mālijjon̄, im renaaj n̄an em̧m̧an eo am̧.“

Irooj eo ekar jiron̄ bwe Nejin M̧aan ekar wanlaļ ļo̧k ium̧wier aolep, Im kar kajjitōk eļan̄n̄e e ekar ļapļo̧k jen E?” (D&C 122:7–8).

Anij eaar letok n̄an kōj eļapļo̧k jān jon̄an jipan̄ n̄an joļo̧k mijak im letok n̄an kōj peran, jabdewōt wāween jemaron̄ jeļm̧ae ilo mour. Ilo ad leļo̧k peid n̄an jipan̄ eo An, E emaron̄ in kotak kōj m̧aanļo̧k n̄an mour indeeo eo jej pukōte.