Ngera Sel Meral Klamiokel?

A President Monson a kmung el kmo, “Chelsel tial beluulechad, ea ungil blekerdelel a chad a kora blechoel uaia lak a kmal klou el belkul er a bai klebekelel a bedengel.” A Rengeasek el dil a locha meringel el omdasou el kirel a klebekelir el kmo te mo techang e sebecherir el mo ngerang. Ka momdasou aikal klemerang el tekingel a Elder Lynn G. Robbins er a Rokeuid el kirel a meral klamiokel:

• A ngeasek el dil el ngii a smiich osengel er a deurreng me a klikiid a ochotii a dichel a meral klamiokel.

• A klikiid el klikm a meral klebokel sel di lengii el mocholt er sel meral teletelel. Tial meral klamiokel a diak el sebechel mechesbereber ele ng bai sengk er a Chedaol Reng.

• A klikiid a olangch er a iikrel el mekedmokl el kirel a meral klamiokel er a chelsel.

• Alsekum eng diak el soam a teletelem er a iikrel, eng locha sebechem el mesekau lokiu osengir tirkel betik a rengrir er kau. Sel berrotel el klamiokel lesang a rebetik er a rengud a sebechel mo derked e sumecheklid el mo ungil.

• Ngkel sechal el ngii a klikiid el redil a soal mo bechil a dirrek el “diak lomes” el uaia chad a lomes (mesa 1 Samuel 16:7). Ng mo semeriar er sel meral klebekelel el ochotii lokiu a klikiid me a klungiolel a rengul. Tiang a meral osisiu el teletael el mora ngeasek el dil losiik er a klikiid el ngeasek el sechal.

• A Demad er a Babeluades a mengerechir er a rokui el Ngelekel el mo melilt er a llemalt, el ngii a di chimol rael el mora diak a ulebengelel deurreng me a meral klebekekel a chad.

• Ng diak a klaiungader, er a Rubak. Kid el rokui el di tabesul a techelled el nguu Osengel el mei er kid (mesaAlma 5:19). Ng diak sel olekong chimol klamiokel.

A le soam el menguiiu er a rokir el klumech, e mesang a Lynn G. Robbins, “True Beauty,” New Era, Nov. 2008, 30. A Rengeasek el sechal a sebecherir el metik er a osisiu el tekoi er a Errol S. Phippen, “Ugly Duckling or Majestic Swan? It’s Up to You,” Liahona, Oct. 2009, 36.