Klumech er a Oldingel e Olisechakl, Ongelolem el buil 2010
Omekbeches a Telbiil lokiu a Sakrament
Molisechakl a chedaol llechukl me a tekoi malechub, a lusbechall, a kuk tara osisechakl el mo omekngeltengat er a rodos el moldingel er tir. Mouchais er a klemerang el kirel osisechakl. Molengit er tirkel moldingel er tir el mo ouchais aikel lomelchesiu me a bla el suub.
A Jesus Kristo a Kildmeklii a Sakrament
“A Jesus a ngiluu a blauang, e ulemekngeltengat er ngii e mechedii, e ngiluu el mesterir a Reapostol er ngii, e kmo, ‘Mnguu, e monga er ngii’, (Mateus. 26:26). ‘Tiang a bedengek el kbeskemiu: tia omoruul er ngii el ngara omelatk el kirek’ (Lukas 22:19). Me ngosisiu el teletael eng ngiluu a kob el ngarngii a bino, el urechomel er a ralm, e ulemekngeltengat er ngii, e mirrous er ngii el mor tirkel lulbengkel, e kmo: ‘Tial kob a beches el renged er a rsechek,’ ‘el mlechubel… .el kirel a ngbetel a klengit.’ ‘Tia omoruul er ngii el ngara omelatk el kirek.’ …
“Meng tiaikid el teletael el milkedmokl er bab el delmerab er sel kesus ruchei er a Gethsemane me a Kolkata, ea rengalek er a telbiil a ngara chelsel a telbiil el kirir el melatk er a tengetengel a Kristo er a lmuut el beches, e lmuut el ngarbab, e lmuut el chedaol el teletael.”1
A Elder Jeffrey R. Holland er a Chelechad er a Teruich me a Terung el Apostol.
Kid Omekbeches a Telbiieled er a Techolb e Chelid lokiu a Sakrament
“Sel de metecholb, e kede nguu a chedaol ngklel a Jesus Kristo. Sel nguu a Ngklel a tara kmal utebengall el teletael el dobang er tial klengar. …
“Bekel sandei er a chelsel a miting er a sakrament me domekbeches a telbiieled er a techolb e chelid e kede tibir el mo melbedebek er a tngakireng er a Osobeled. Kede tibir el mo meruul aikel luruul Osobel—e mo olngesenges er a Chedam e blechoel oltirakl a Llechul. A klengeltengat el bo denguu a kmo a Reng er Ngii a mo blechoel lobengked.”2
Elder Robert D. Hales er a Chelechad er a Teruich me a Terung el Apostol.
“A kulbengkel a eai a rekil ngalek el redil er a sils er a techolb e chelid er ngii. A mocha ulebongel er a sils eng kora kmal mle ansing er ngii e dilul kmo, ‘Ng mla mo tal sils er a kmetecholb e dirkak a tal krebet er a klengit!’ Eng di tial cherrungel el sils er ngii a dimlak el kemanget, eak medengei el kmo chelechang mesuub, el uaia rebekel chad, el desal kmal meringel el melasem, eng di ng diak el blechoel sebeched el mo cheroid er a mekngit el teletael, er a bekel mekngit el omelilt er kid. …
“… Ng diak el sal sebeched el di kid e meral ngmodech a teleteled. Aikel rokui el klisiched me a ikel ungil moktek er kid a ngesonges. Sel derellii a mekngit malechub e bo de mekngit el melilt, eng kired el ousbech a ngesou er a Osobeled el muut el mora llemalt. Kede melai er a sakrament er a bekel sandei el olchotel a klaumerang er kid er a Klisichel el omekbeches er kid. Kede kombesar a kngtid e tibir el diak deluut el meruul.”3
Julie B. Beck, Merreder er a cherrengelel omerreder er a Relief Society.
© 2010 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/09. Kengei er a oidel: 6/09. Oidel a Visiting Teaching Message, June 2010. Palauan. 09366 881
Ngesou el mora Roldingel e Olisechakl
Me sel bo modengelii ngkal odos me a telungalek er ngii, e mosiik a teletael el ngoseuir el mo omekbeches a telbiielel lokiu a sakrament. Alsekum eng diak el ngara miting er a sakrament, eng sebechem el siotai er ngii el mong malechub e bsang a ngesou el mo uchul eng sebechel mong (olideiiul, ngoseuir er a rengalek, sechelei el mo dengchokl el obengkel, me a lmuut el bebil)?
Omengedmeklem