Parau Poro‘i na te mau Tuahine Hahaere Tiunu 2010
Te faaapîraa i te mau fafauraa na roto i te oro‘a mo‘a
A haapii i teie mau papa‘iraa mo‘a e te mau faahitiraa parau e aore râ, mai te mea e hinaarohia, a haapii i te tahi atu parau tumu o te haamaitai i te mau tuahine o ta outou e hahaere ra. A faaite i to outou iteraa papû no te parau haapiiraa. A ani manihini i te feia o ta outou e hahaere ra ia faaite atoa i te mea o ta ratou i farii e i haapii mai.
Na Iesu Mesia i haamau i te oro‘a mo‘a
« Ua rave ihora Iesu i te pane, e oti a‘e ra i te haamaitai i te Atua, vavahi ihora tuu atu ra i te mau pĭpĭ ra, na ô atura ‘A amu’ (Mataio 26:26 ) « O Ta‘u tino teie e horo‘ahia na outou nei, e na reira outou ei mana‘oraa ia‘u » (Luka 22:19 ). E mai te reira atoa To’na raveraa i te au‘a uaina, ano‘i ihora i te pape, haamaitai atu ra ma te haamauruuru note reira e opere atu ra na te feia i amui mai ia’na ma te parau e : « Teie nei a‘ua o te faufaa apî ïa i to‘u nei toto,’ ‘i haamaniihia … no te faaoreraa o te hara.’ ‘A rave i te reira ei haamana‘oraa ia‘u’…
« Mai taua ohipa ra i tupu i te piha i ni‘a i te ru‘i hou i Getesemane e i Golagota, ua tuuhia te mau tamarii o te parau fafau i raro a‘e i te fafauraa ia haamana‘o i te tusia apî a te Mesia, tei teitei, tei hau atu i te mo‘a e te e‘a a te taata iho ra ».1
Elder Jeffrey R. Holland no te Pŭpŭ no te Tino Ahuru Ma Piti Aposetolo.
E faaapî tatou i ta tatou fafauraa no te bapetizoraa na roto i te oro‘a mo‘a
« Ia bapetizohia tatou, te rave nei ïa tatou i ni‘a iho ia tatou te i‘oa mo‘a o Iesu Mesia. Te raveraa i ni‘a ia tatou To’na i‘oa o te hoê ïa iteraa faufaa roa o ta tatou e rave i roto i te oraraa nei…
« I te mau hepetoma tata‘itahi i roto i te pureraa oro‘a, e fafau tatou ia haamana‘o noa i te tusia tara‘ehara a to tatou Faaora a faaapî ai tatou i ta tatou fafauraa no te bapetizoraa. E fafau tatou ia rave mai ta te Faaora i rave ra—ia vai haapa‘o noa i mua i te Metua e ia haapa‘o tamau noa i Ta’na mau faaueraa. Te haamaitairaa o ta tatou e farii, o te vai-tamau-raa mai ïa To’na Varua i pihai iho ia tatou ».2
Elder Robert D. Hales no te Pŭpŭ no te Tino Ahuru Ma Piti Aposetolo
« Tei pihai iho vau i te hoê tamahine e va‘u matahiti i te mahana o to’na bapetizoraa. I te hopea o taua mahana ra parau maira oia ia‘u ma te ti‘aturi mau, ‘ua bapetizohia vau i teie mahana taato‘a, e aita vau i hara noa‘e hoê taime ! ‘Tera râ, aita e hopearaa to’na mahana maitai, e te ti‘aturi nei au e, te haapii nei oia i teie nei, mai ta tatou atoa e haapii e, noa’tu e tamata tatou ma te puai, eita tatou e haapae i te ino, e te ma‘itiraa hape i te mau taime atoa…
“… Eita e nehenehe ia tatou ia rave i te hoê tauiraa na roto noa ia tatou iho. Aore e rava‘i to tatou noa hinaaro e to tatou noa mana‘o maitai. Ia rave ana‘e tatou i te hape e aore râ, ia ma‘iti faufaa ore ana‘e tatou, e mea ti‘a ia tauturuhia-mai tatou e to tatou Faaora no te ho‘i faahou i ni‘a i te e‘a mau. Te rave nei tatou i te oro‘a mo‘a i tera hepetoma e tera hepetoma no te faaite i to tatou faaroo i roto i To’na mana no te taui ia tatou. Te faaî nei tatou i ta tatou mau hara e te fafau nei tatou ia faaore roa i te reira ».3
Julie B. Beck, Peresideni rahi no te Sotaiete Tauturu
© 2010 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo Peretane : 6/09. Parau faati‘a no te iritiraa : 6/09. Iritiraa no Visiting Teaching Message, June 2010. Tahitian. 09361 895
Te mau Tauturu no te Haapiiraa Hahaereraa
Ia matau ana‘e outou i te hoê tuahine e to’na utuafare, a imi i te mau rave‘a e ti‘a ai ia outou ia tauturu ia’na ia faaapî i ta’na mau fafauraa na roto i te oro‘a mo‘a. Mai te mea e, aita oia e haere mai i te pureraa oro‘a, e nehenehe anei outou e ani manihini ia’na ia haere mai e aore râ, a tauturu ia’na ia haere mai ? (utaraa, te tautururaa i te tamarii, te hoê hoa e parahi i pihai iho, e te vai atu ra)
Faaineineraa i te Taata iho