Pavitra Mandir

Kai kaaranon ke liye kisi ko mandir jaana chahiye. Jis tarah se woh baahar se dikhta hai bhi uske gehre dhaarmik lakshye ki jhalak deta hai. Yeh dhaarmik lakshye aur bhi spasht hai uske deewaaron mein. Mandir ke darwaaze ke upar shriddhaanjali likhi hai “Prabhu ke Liye Pavitrata.” Jab tum kisi samarpit mandir mein pravesh karte ho, tum Prabhu ke ghar mein hote ho.

Mandiron mein, Girjaghar ke sadasye jo apne aap ko yogye bana lete hai sabse unche mukti ki dharam vidhiyon mein bhaag le sakte hai jo manushye ke liye prakat kiya gaya hai. Wahan, ek pavitra vidhi mein, ek vyakti ko dhoya jaata aur abhishek kiya jaata aur sikhlaaya jaata aur endow kiya jaata aur baandha(sealed) jaata hai. Aur in aashirvaadon ko apne liye haasil karne ke baad, hum unke liye kaarye karenge jo in aashirvaadon ko praapt kiye bina hi mar gaye hai. Mandiron mein pavitra dharam vidhiyaan rachi jaati hai jiwit aur mrit logon ke liye bhi.

Dharamshaastra ko saodhaani se padhne se yeh prakat hoga ki Prabhu ne sabhi logon ko sabhi baantein nahin batlaai. Kuch kaabliyat banaye gaye the jo pavitra jaankaari haasil karne ke liye avashyak the. Mandir ke samaahron bhi isi darje mein shaamil hai.

Hum mandir ke dharam vidhiyon ka zikr mandir se baahar nahin karte. Parmeshwar ne kabhi mandir ki in samaahro ka gyaan sirf chune hue logon ke liye nahin rakha tha yeh tay karne ke liye ki anye log inke baare mein jaan na lein. Vaastav mein, yeh to bilkul alag hai. Badi koshish se hum har ek vyakti se aagrah karte hai ki woh yogye bane aur tayyaari kare mandir jaane ke anubhav ke liye. Jo mandir gaye hai unhein ek aadarsh sikhaaya gaya hai: Kisi din har ek jiwit aatma aur har aatma jo kabhi jiwit tha ko susamachaar sunne ka mauka diya jaaega aur jo mandir bhent karta hai ko thukraae ya apnaae. Agar yeh mauka aswikaar ho gaya, aswikriti vyakti ki taraf se honi chahiye.

Mandir ki dharam vidhiyaan aur samahro saral hai. Woh sundar hai. Woh pavitra hai. Unhe batlaaya nahin jaata ki shaayad woh unhein mil jaaye jo tayyaar nahin hai use praapt karne ke liye. Samaahro ke baare mein jaanne ki chahat ek tayyaari nahin hai. Gehri ichcha khud hi ek tayyaari nahin hai. Dharam vidhiyon ki tayyaari mein kuch praarambik kadam shaamil hai: vishwaas, pashchataap, baptisma, pushtikaran, yogyata, ek sampurnata aur aatma-sammaan uske yogye jisko ek mehmaan ki tarah amantrit kiya jaata hai Prabhu ke ghar mein.

Jo bhi yogye hai aur jo laayak hote hai har tarah se mandir mein pravesh karne ke liye, wahan par pavitra rasm aur dharam vidhiyon se waakif hone ke liye.

Ek baar tum mein mandir ke aashirvaadon ke keemat ka kuch ehsaas ho aur un dharam vidhiyon ki pavitrata ke prati jo mandir mein puri hoti hai, tum hichkichaaoge Prabhu dwara tay kiye gaye unche star par sawaal karne mein jo pavitra mandir mein pravesh karne se taalukh rakhta hai.

Tumhare paas ek vartamaan ka mandir sifaarish hona chahiye mandir mein pravesh karne ke liye. Is sifaarish ko Girjaghar ke sahi afsaro dwara sign karaana hoga. Sirf jo yogye hai unhein hi mandir jaana chahiye. Tumhara sthaaniye bishop ya shaakha pradhaan ke paas zimmedaari hai tumhare niji yogyata ke vishay mein jaanne ke liye tumhein mandir dharam vidhiyon ko haasil karne se pehle. Yeh baat cheet bahut mahatvapurn hai, kyunki yeh ek chan hai jismein tum Prabhu ke ek niyukt sewak ke saath jaanjh karoge apne jiwan ka naksha. Agar kuch thik nahin hai tumhaare jiwan mein, bishop tumhari sahayta kar sakega use thik karne mein. Is kriya se, tum bata paaoge ya tumhein sahayta di jaa sakti hai apne mandir mein jaane ki yogyata ko kaayam karne mein Prabhu ki swikriti dwara.

Niji rup se mandir sifaarish ke liye bhentvaarta bishop [ya shaakha adhyaksh] aur sambandhit Girjaghar sadasye ke beech hoti hai. Yahan sadasye se vishesh sawaal puche jaate hain jo vyaktigat aacharan aur yogyata par hote hain aur Girjaghar aur uske adhikaariyon ke prati uski wafadaari par hote hain. Vyakti ko ghoshit karna hai ki woh naetik rup se saaf hai aur Buddhimaani ke Shabd ka paalan karta hai, pura tithe deta hai, Girjaghar ke shikshanon ke saath sangati mein rehta hai, aur dharamtyaagi dalon se koi sambandh ya hamdardi banae nahin rakha hai. Bishop [ya shaakha adhyaksh] ko adesh diya jaata hai ki pratyek vyakti jiski bhentvaarta hoti hai uske saath maamlon ka nirwaah karte samay vishwastata (confidentiality) sabse mahatvapurna hai.

Bishop ke sawaalon ke swikritik jawaabon se ek vyakti ki yogyata saamaanye rup se sthaapit hoti hai ek mandir sifaarish praapt karne ke liye. Agar ek aawedak(applicant) aagyaaon ka paalan nahin kar raha hai tab kuch baaton ka pashchataap nahin hua hai uski jiwan ke vishay mein aur use ab thik karna hai, ek mandir sifaarish dene se pehle zaroori hai ki sachcha pashchataap ho jaaye.

Jab bishop ne aisi bhentvaarta le li hai, stake pradhaan isi prakaar ka bhentvaarta leta hai tumhara mandir dharam vidhiyon mein bhaag lene se pehle.

Pehli baar mandir jaane se pehle, ya baad mein bhi kai baar, tumhare liye achcha hoga ki tum yeh samjho ki mandiron ka shikshan prateek dhang se hota hai. Prabhu, jo Mukhye Shikshak hai, ne Apna zyaadatar shikshan isi tarah se diya.

Mandir ek mahaan paathshaala hai. Woh vidhya ka ghar hai. Mandiron ka vaatavaran aisa hota hai ki aatmik gehraai ke baaton ka shikshan praapt kiya ja sake. Swargiye Elder John A. Widtsoe jo Barah Devduton ke Parishad ke the ek vishist vishwavidhyalay pradhaan aur vishwa ke ek jaane-maane vidhwaan the. Mandir kaarye ke liye un mein badi shraddha thi aur ek mauke par usne kaha tha:

“Mandir dharam vidhiyon mein puri mukti ki yojna aati hai, jaise samay samay par Girjaghar ke netaaon dwara sikhlaaya gaya hai, aur un baaton ko saaf kar deta hai jo samajhne mein kathin hai. Mandir ke shikshan mein koi madodna ya badlaao nahin hota use mukti ke yojna mein laane ke liye. Endowment ko puri tarah se samjhna ek mahaan bahas ka vishay ho gaya hai mandir dharam vidhiyon ki sachchaai ke liye. Aur bhi, aesi purn jhaanj aur Susamachaar yojna ko saamne laane se, mandir kaarwaahi ko ek upyukt tarika banata hai yaaddaash tez karne ke liye Susamachaar ke aakriti ko samajhne mein.” (“Temple Worship,” Utah Genealogical and Historical Magazine, Apr. 1921, 58).

Agar tum mandir jaaoge aur yaad rakhoge ki shikshan prateek hai, tum sahi vyavahaar se andar nahin jaaoge magar baahar nikal kar apne samajh ko sahi paaoge, thoda aur unnat mehsoos karoge, aur aatmik baaton ka gyaan badh jaaega. Shikshan ka yojna to badhiya hai. Woh prerna se milta hai. Prabhu Khud, jo Mahaan Shikshak hai, ne nitikathaaon mein hamesha Apne chelon ko sikhlaaya—ek muh jawaani tarika un kathin cheezon ko samjhaane ke liye jo prateek hai.

Mandir khud ek prateek ban jaata hai. Agar tumne kisi mandir ko raat ke samay dekha hai, puri raushni mein, tum jaante ho woh kitna aakarshak drishye ho sakta hai. Prabhu ka ghar, raushni se ghira, andhere mein spasht dikhaai deta, prateek hota hai us shakti aur prerna ka jo Ishu Masiha ke susamachaar se aata hai jaise ek sanketak-prakaash ek duniya ke liye jo aatmik andhere mein dubta ja raha hai.

Mandir mein pravesh karne par, tum apne aam kapde badalte ho mandir ke safed kapdon ke liye. Kapdon ka yeh badlaao ek alag kamre mein hota hai, jahan har ek ke liye ek locker aur ek vyaktigat kapde badalne ki jagah hoti hai. Mandir mein maryaada ke aadarsh ka achchi tarah paalan kiya jaata hai. Jab tum apne kapde locker mein rakhte ho, tum apni saari chintaaen aur dilchaspiyaan aur ghabraahat usi ke saath chod dete ho. Tum is vyaktigat kapde badalne ki jagah se baahar nikalte ho safed kapdon mein, aur ekta aur saamaanyeta mehsoos karte ho, kyunki tumhare aas-paas ke log bhi isi prakaar se poshaak pehne hue hai.

Tum mein jo mandir vivaah ki pratiksha karte hai jaanna chahoge ki kya hoga. Hum sealing(vivaah) ke dharam vidhi ke shabdon ko mandir se baahar nahin kehte, magar hum sealing kamre ki sundarta, shaanti aur aatmik swachta, aur woh pavitra kaarye jo wahan ghatta hai se woh kaise pavitra ho jaata hai ke baare mein bataaenge.

Dampati ko sealing dharam vidhi ke liye vedi(altar) tak aane se pehle, yeh kaaryekarta ka vishesh adhikaar hai ki woh dein, aur jawaan dampati ka saobhaagye ki woh haasil karein, kuch salaah. In mein se kuch baatein ek jawaan dampati sochenge ki unhein batlaaya jaaega is avsar par.

“Aaj tumhara vivaah diwas hai. Tum apne vivaah ke baare mein hi soch rahe ho. Mandiron ko aisi hi dharam vidhiyon ke liye banaya gaya tha. Hum is duniya mein nahin hai. Duniya ki baatein yahan se taalluk nahin rakhti aur jo hum yahan karenge par prabhaao nahin daal sakti. Hum duniya se baahar aa gaye hai Prabhu ki mandir mein. Yeh tumhare jiwan ka sabse mahatvapurn din ban jaata hai.

“Tum janme the, dharti par amantrit kiye gaye the, maata-pitaaon dwara jinhonne ek maranshil deh banaya tumhare aatma ko niwaas karne ke liye. Tum har ek ne baptisma liya hai. Baptisma, ek pavitra dharam vidhi, prateek hai ek saaf karne ka, prateek hai maut aur punrujiwan ka, prateek hai ek naye jiwan mein waapas aane ka. Is mein shaamil hai pashchataap aur paapon se chama. Prabhu ke Antim bhojan ka prabhubhoj baptisma ke vaade ka nawikaran(renewal) hai, aur hum sakte hai, agar hum uske liye jiye, apne paapon ka chama praapt karein.

“Tum, dulhe saahab, ko purohiti mein niyukt kiya gaya tha. Pehle tumhe Aaronic Purohiti mili thi aur shaayad uske sabhi daftaron se guzar chuke ho—deacon, teacher, aur priest. Phir woh din aaya jab tumhein Melchizedek Purohiti praapt karne ke yogye paaya gaya. Woh purohiti, jo uncha purohiti hai, ko Parmeshwar ke sabse pavitra darje ka purohiti kaha gaya hai, ya Pavitra Purohiti Parmeshwar ke Putra ke Darje se(dekhiye Alma 13:18; Helaman 8:18; Doctrine and Covenants 107:2–4). Tumhe us purohiti mein ek daftar diya gaya tha. Tum ab ek elder ho.

“Tum donon ne endowment praapt kiya hai. Us endowment mein tumhein anant shakti pradaan ki gayi thi. Magar yeh sabhi cheezein, ek tarah se, praarambhik thi aur tayyaari thi tumhe is vedi tak aane ke liye ek pati aur patni ki tarah bandhne ke liye samay aur pure anantta ke liye. Tum ab ek parivaar ban gaye ho, jiwan ki rachna karne ke liye mukt, ki tumhe woh mauka mile shraddha aur balidaan dwara bachchon ko is duniya mein laane ke liye aur unka dekh-bhaal kare aur unhein is maranshil jiwan mein surakshit rakhein; ek din unhein dekhein, jaise tum aaye ho, in pavitra mandir dharam vidhiyon mein bhaag lene ke liye.

“Tum apne ichcha se aaye ho aur tumhe yogye paaya gaya hai. Ek dusre ko vivaah ke vaade mein apnaana ek badi zimmedaari hai, ek jismein anginit aashirvaad shaamil hai.”

Agar hum mandir kaarye ka itihaas aur siddhaant samajhna chahate hai, hamein samajhna chahiye baandhne ki shakti kya hai. Hamein aage ki sochni chahiye, kuch had tak hi, kyun baandhne ki shakti ki chaabiyon ka adhikaar atyant mahatvapurn hai.

“Jab Ishu Caesarea Philippi ke desh mein aaya, usne apne chelon se pucha, kehte hue, Log manushye ke Putra ko kya kehte hai? …

“Aur Simon Peter ne uttar diya aur kaha, Tu jiwit Parmeshwar ka Putra, Masih hai.

“Aur Ishu ne uttar diya aur usse kaha, Tu dhanye hai, Simon Bar-jona: kyunki maas aur lahu ne nahin, parantu mere Pita ne jo swarg mein hai, yeh baat tujh par prakat ki hai.

“Aur main bhi tujh se kehta hu, ki tu Peter hai, aur main is patthar par apni girjaghar banaaunga; aur nark ke faatak us par prabal na honge.

“Aur main tujhe swarg ke raajye ki chaabiyaan dunga: aur jo kuch tu dharti par baandhega woh swarg mein bandhega: aur jo kuch tu dharti par kholega woh swarg mein khulega” (Matthew 16:13, 16–19).

Peter ko chaabiyaan praapt honi thi. Peter ke paas baandhne ki shakti honi thi, woh adhikaar jisse dharti par baandhne ya kholne ki shakti milti hai aur waisa hi swarg mein hoga. Woh chaabiyaan Girjaghar ke Pradhaan ki hoti hai—jo bhavishyevakta, devdut, aur divye gyaan prakaashak hai. Woh pavitra baandhne ki shakti ab Girjaghar ke paas hai. Jo is adhikaar ka mahatva jaante hai unke liye isse pavitra aur kuch nahin hota. Aur kuch itna priye nahin hota. Bahut kam purush hai jinhein yeh baandhne ki shakti dharti par di gayi hai kisi ek samay par—har mandir mein bhraathaaen hai jinhein yeh baandhne ki shakti mili hai. Kisi ko nahin mil sakta siwaae bhavishyevakta, devdut, aur divye gyaan prakaashak aur Ishu Masih ke Girjaghar Antim-Dinon ke Santon ka ke Pradhaan se.

Bhavishyevakta Joseph Smith ne kaha ki usse zyaadatar pucha jaata tha yeh sawaal “‘Kya hum in sabhi dharam vidhiyon ko praapt kiye bina mukti nahin paa sakte, etc.?’ Main jawaab deta, Nahin, puri tarah se mukt nahin hoge. Ishu ne kaha, ‘Mere Pita ke ghar mein bahut se rehne ke sthaan hai, aur main tumhare liye jagah tayyaar karne jaata hoon.’ [Dekhiye John 14:2.] Ghar jo yahan zikr kiya gaya hai ko raajye anuwaad karna chahiye tha; aur koi bhi vyakti jise sabse unche manzil mein jaana hota ko celestial kaanoon ka paalan karna padta, aur pura kaanoon bhi” (History of the Church, mein 6:184).

Mandir Girjaghar ke aatmik mazbooti ka mahatvapurn bhaag hai. Hamein shatru ki pratiksha karna chahiye ki woh hamare saath ek Girjaghar ke rup mein ulajhna chahega aur humse akele bhi jab hum is pavitra aur prerit kaarye mein bhaag lena chahenge. Mandir kaarye itna zyaada virodh laata hai kyunki woh Antim-din Santon aur pure Girjaghar ke liye aatmik shakti ka srot hai.

Logan Utah Mandir ke kone-ka-patthar ke chadhaawe par, Pradhaan George Q. Cannon, jo tab Pratham Adhyakshta mein tha, ne yeh ghoshna ki:

“Har ek neev ka patthar jo ek Mandir ke liye bithaaya jaata hai, aur har Mandir jo nirmaan hota hai Prabhu ke kaayde anusaar jo uske pavitra Purohiti ke liye prakat kiya gaya hai, Shaetaan ke shakti ko is dharti par kam karta hai, aur Ishwar aur Ishwartav ki shakti ko badhaata hai, hamare liye swarg ko badhiya shakti se hilaata hai, hamare upar Anant Ishwaron ke ashirvaad laata hai, aur jo unke upasthiti mein rehte hai” (“The Logan Temple,” Millennial Star, mein Nov. 12, 1877, 743).

Jab Girjaghar ke sadasye chintit rehte hai ya jab mahatvapurn nirnay unke mann par bojh daalti hai, unke liye saamaanye hai ki woh mandir jaaye. Woh achchi jagah hai apne chintaaon ko le jaane ka. Mandir mein hamein dhaarmik drishye dikhta hai. Wahan, mandir sewa ke daoraan, hum “duniya se baahar hai.”

Kabhi kabhi hamara mann itna musibaton se daba rehta hai aur itni saari cheezein hamara dhyaan chahati hai ek hi waqt ki hum saaf soch aur dekh nahin sakte. Mandir par baadhaaon ka dhul hat jaata hai, dhund aur kuhra uthne lagta hai, aur hum “dekh” sakte hai woh cheezein jo hum pehle nahin dekh sakte the aur apne musibaton mein ek raasta dhoondhte hai jo hum pehle nahin jaante the.

Prabhu hamein aashirvaad dega jab hum mandir ke pavitra dharam vidhi ke kaarye mein bhaag lenge. Aashirvaad sirf hamare mandir sewa ke liye nahin hogi. Hamein hamare sabhi kaaryon mein aashirvaad milegi.

Koi aur kaarye Girjaghar ke liye suraksha ka nahin jitna mandir kaarye aur parivaar itihaas khoj hai jo use sahara deta hai. Koi aur kaarye aatmik rup se itna shuddh nahin karta. Koi aur kaarye jo hum karte hai hamein itna shakti nahin deta. Koi aur kaarye ke liye itna uchch darja ki sachchaai nahin chahiye hoti.

Hamare mandir ke andar ka kaarye hamein ek kawach aur ek suraksha se dhaak deta hai, donon vyaktigat rup se aur logon ke rup mein bhi.

Tab mandir aaiye—aaiye aur apne aashirvaad paaiye. Yeh ek pavitra kaarye hai.