Anëtarët e Mbajnë Gjallë Konferencën në Jetën e Përditshme

Ju i keni dëgjuar mesazhet, ju keni ndier Shpirtin, ju jeni angazhuar ta ndiqni këshillën. Por tani që konferenca e përgjithshme mbaroi, si do ta bëni pjesë të jetës suaj për gjashtë muajt e ardhshëm?

Anëtarë të Kishës në mbarë botën tregojnë se çfarë i ndihmon të kujtojnë e të zbatojnë mesazhet e konferencës së përgjithshme.

Përfshijeni Konferencën e Përgjithshme në Jetën Tuaj të Përditshme

Dëgjojini fjalimet ndërsa bëni gjimnastikë, drejtoni makinën, bëni punë shtëpie apo bëheni gati për ditën.

—Xhejms, Ontario, Kanada

Vërini pjesëtarët e familjes të zgjedhin me radhë biseda për t’i dëgjuar gjatë ngrënies së mëngjesit.

—Ashli, Uashington, SHBA

Shikoni familjarisht të dielave pjesë të konferencës së përgjithshme.

—Grent, Kaliforni, SHBA

Bëjini Fjalimet Pjesë të Mbrëmjes Familjare

Përzgjidhni mesazhet që dëshironi t’i shqyrtoni si familje dhe caktojuani pjesëtarëve të familjes që t’i japin mësim në mbrëmjet e ardhshme familjare.

—Vern dhe Xhenifer, Juta, SHBA

Lexoni ose shikoni një fjalim dhe kërkoni synime për të cilat mund të punoni familjarisht.

—Toni, Arizonë, SHBA

Përdorini Fjalimet për Studim të Shkrimit të Shenjtë

Shkëmbeni radhë mes leximit të shkrimeve të shenjta në mëngjes dhe leximit të një fjalimi të konferencës së përgjithshme në mbrëmje.

—Dajena, Uashington, SHBA

Lexojuni fëmijëve tuaj çdo natë një fjalim si histori para kohës së gjumit.

—Hedhër, Juta, SHBA

Shihni referimet e shkrimit të shenjtë të çdo fjalimi, pasi ta keni lexuar fjalimin.

—Beki, Juta, SHBA

Nënvizoni çdo gjë që folësit na kanë kërkuar posaçërisht që ta bëjmë dhe përqendrohuni në ndjekjen e këshillës së tyre.

—Helena, Australi

Studioni Sipas Temave

Bëni një listë që të përputhë temat e pasqyruara në konferencën e përgjithshme me gjërat që dëshironi të përmirësoni në jetën tuaj. Studiojini temat një e nga një ndërsa përpiqeni të përmirësoheni përpara konferencës tjetër të përgjithshme.

—Rebeka, Teksas, SHBA

Përqendrohuni në një temë të veçantë për disa ditë gjatë studimit tuaj të shkrimit të shenjtë ose për disa javë në mbrëmjen familjare.

—Frencis, Nigeri

Ndajini Mesazhet me të Tjerët

Përfshini në buletine e në fletushka të Kishës citime nga konferenca e përgjithshme.

—Tod, Virxhinia Perëndimore, SHBA

Organizoni ose bashkohuni me një klub leximi të librave të konferencës së përgjithshme, qoftë në internet ose personalisht. Çdo javë, studioni një fjalim dhe shkoni në klubin e leximit i përgatitur për të ndarë kuptime.

—Stefani, Juta, SHBA