Daukaulotu ni Siganisucu

Ena ikarua ni Siganisucu ena gauna ni noqu kaulotu-tudei, keirau a sikova kei na noqu itokani e dua na lewenilotu ka se qai papitaiso walega kei na nona matavuvale. Ni oti na ivakayakavi vakaitamera ni Siganisucu, keirau wasea vata kei iratou e dua na itukutuku ni Siganisucu.

Keirau sureta na matavuvale me ratou droinitaka eso na iyaloyalo ni veika e vakavotuya mai vei iratou na gauna oqo, me vaka na kalokalo, iloloma, na iyaloyalo ni nona sucu na Karisito, kei na vunikau ni Siganisucu. Keirau a qai wilika eso na tiki ni ivolanikalou, okati kina na 2 Nifai 19:6: “Ni sa sucu mai e dua na gone me noda, sa soli mai vei keda e dua na gone tagane; ena vakatau kivei koya na lewa; ena vakatokai na yacana, ko Veivakurabuitaki, na i Vakavuvuli, Na Kalou Kaukauwa, Na Tama ni Gauna Tawamudu, Na Tui ni Sautu.” Keitou lagata “Ena Koro i Tevita” (Sere ni Lotu, naba 120), sarava e dua na iyaloyalo me baleta na nona sucu na Karisito, ka wasei na ivakadinadina me baleti Jisu Karisito.

Sa ikoya e dua na Siganisucu rawarawa na kena ituvaki, yawa mai na neirau matavuvale kei na ivakarau ni kena marautaki na Siganisucu, ia ni keirau wasea na neirau ivakadinadina me baleta na iVakabula, au vakila e dua na loloma kei na vakavinavinaka titobu me baleti Koya kei na Nona sucu me vakatautauvatani mai na noqu kila e liu. Au kidava ni sa iotioti ni noqu Siganisucu ena veiqaravi ni daukaulotu-tudei kivua na Tamada Vakalomalagi, ia au kila ni Yalona e rawa me vakadinadinataki Luvena vei au ena vanua cava ga au tu kina.