Naan in Katak an Kōrā, Maaj 2011
Ium̧in Priesthood im ālkin Kadkad an Priesthood
Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ iok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am make.
Tōmak • Baam̧le • Doulul
Jejtōr ro Aō rejitenbōro, jon̄an ad jeram̧m̧an! Ejjab kōnke jej membōr ro an Kabun̄ in wōt, bōtaab jej barāinwōt membōr an Doulul an Kōrā—“doulul an Irooj n̄an kōrā ro.”1 Doulul an Kōrā ej kam̧ool in iakwe an Anij n̄an leddik ro Nejin.
Buruōm ejjab lan̄lōn̄ ke ilo am kemejmej m̧ōņōņō eo jinoin an doulul in? Ilo Maaj 17, 1842, Rikanaan Joseph Smith eaar ejaake jejtōr eo “ium̧in im ālkin kadkad an priesthood.”2
N̄an ejaak “ium̧in priesthood eo” kar leļok n̄an jejtōr ro maron̄ im tōl. Eliza R. Snow, kein karuo būreejtōn eo eļap an Doulul an Kōrā, kar katakin bwe Doulul an Kōrā “ejjab maron̄ waļok n̄e ejako Priesthood eo, jān m̧ool eo ke ebōk aolepen maron̄ ko an im kareel eo jān jipan̄ in.”3 Eļtōr Dallin H. Oaks an Doulul an Jon̄oulruo Rijilōk ar kōmeļeļeik, “Maron̄ eo n̄an kamminenik jān wōpija ro im rūkaki ro an Doulul an Kōrā … ekar maron̄ eo emaron̄ lutōkleplep n̄an er kōn doulul eo aer ekkeijel ļok ilo Kabun̄ eo an Jisōs Kraist im Armej ro Rekwojarjar Ilo Raan Kein Āliktata im kōn kōllaajrak eo aer ejenoļo̧k ium̧in pein ritōl ro an priesthood jān ro rekar kūr er.”4
N̄an ejaake “ālkin kadkad an priesthood” kar leļok n̄an jejtōr ro eddo ko rekwojarjar. Julie B. Beck, būreejtōn eutiej an Doulul an Kōrā, ar kōmeļeļeik: “Jej jerbal ilo wāween eo an priesthood—eo ej meļeleik bwe jej pukōt, bōk im jerbal kōn mōdenļo̧k; kōm̧m̧ane ļōmņak ko ilo ko̧o̧njel ko; im kainepataik kōj make kōn kea n̄an kajjojo juōn iļok juōn. Jerbal ko ad ej kōttōpar eo an priesthood n̄an kōpooj kōj make n̄an kōjeram̧m̧an ko an mour indeeo jān kōm̧m̧an im kōjparok bujen ko. Kōnke menin, āinwōt m̧aan ro jeid im jatidm ro rej kabwijer priesthood eo, jerbal ko ad rej jerbal an lo̧mo̧o̧r, jerbal in jipan̄, im erom armej kwojarjar.”5
Barbara Thompson, rikapilōklōk eo kein karuo ilo būreejtōnji eo eutiej an Doulul eo an Kōrā.
Jān jeje ko Rekwojarjar
Jān Bwebwenato eo Ad
Ilo tōreo eo kōkāāle Tampeļ eo ilo Nauvoo, juōn kumi in jejtōr ro rekar kōņaan ejaak n̄an jipan̄ kōttōpar ko an m̧weo. Eliza R. Snow ekar kōkaduik kakien ko n̄an kumi in ekāāl Ke eaar kwaļoki n̄an Rikanaan Joseph, eaar uwaak: “Jiron̄ jejtōr ro bwe kile menin leļok ko aer jān Irooj, im ippān jet men ko rem̧m̧anļok n̄an er. … Inaaj ejaake kōrā ro ium̧in Priesthood eo ālkin jon̄an ko an Priesthood eo.”6 Ālkin jidik iien tokālik, Rikanaan eo eaar jiron̄ ejaak eo ekāāl an Doulul an Kōrā: “N̄aij kiiō ukōt kii eo n̄an kom ilo etan Anij, im Doulul in eaikuj m̧ōņōņō, im jeļāļokjeņ im kapeel remaron̄ wallalļo̧k jān iien in.”7 Jejtōr ro rekar kōtmane n̄an jutak n̄an juōn jon̄an eo ekāāl an kwojarjar im n̄an pojak n̄an kain̄i ko kōm̧m̧ani tokālik ilo tampeļ eo.
© 2011 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin Pālle: 6/10. Kōmālim an Ukook: 6/10. Ukok eo an Visiting Teaching Message, March 2011. Marshallese. 09763 874
Ta Imaron̄ kōm̧m̧ane?
-
Ekōjkan Aō maron̄ jipan̄ jejtōr ro Ij loļok er m̧ōņōņō kōn jeram̧m̧an ko an jerbal kwojarjar an Doulul an Kōrā?
-
Ta Inaaj kōm̧m̧ane allōn̄in n̄an kōlaļokļok aō kajoor n̄an bōk aō make mōdenļo̧k?