Kimareirei n te Mweenga
Buntha bon mwaanen Neath are a maeka i Siem Reap, Cambodia.
Ngke e koro ana ririki ae waniua, Buntha e baireia bwa e na bwabetitoaki. Ngkana e koro waniua ana ririki, ngaia naba e na bwabetitoaki. “I tangiria ni karekea te Tamnei ae Raoiroi,” e taku.
E bon kakaawaki nakoia Buntha ao Neath bwa ana mwakuri n ibuobuoki nakoia tabeman. Buntha e tangiria bwa e na mitinare ngkana e ikawai. Neath e aki kona n tataninga ni karokoa ae e a riki bwa “te tibu te unaine ni mitinare,” te ikawai ni mitinare. ■
Aomata a roko man taabo nako man te aonaaba ni kawari kateitei n rimoa n aia kaawa, ma Buntha ao Neath a bon rangi ni kukurei n tiku ni mweengaia ao ni kabanea aia tai ma aia utu.
Buntha ao Neath iai aia tabo ni kamatebwai itinaniku ae onoti ike a tekateka ni wareki booki aika tabu, ni karaoi aia bwai n reirei, ao ni wareka te Riaona. Buntha ao Neath a tatangiria ni wareka aia boki aika tabu. A kataia ni wareka te boki ae tabu ni katoa bong. Neath e tangiria ni wareka taekan miin Riaai. Buntha e tangiria ni wareka taekan Nibwaai.
Neath e tangiria n takakaro n te maabora. Buntha e tangiria n takakaro n te butibooro ma aekaki ni booro are e kona ni kunea.
Buntha ao Neath a kabanea te tai ae bati i bon irouia. A bon kataia ngaia ni kauoman n tamaroa nakoia ao kaain aia utu.
Tamnei iroun Chad E. Phares