Ol Marsol Aelan

Nomata we ol memba blong Jos oli bin visitim Ol Marsol Aelan long taem blong Wol Wo II, ofisol misinari wok i stat nomo longwe long manis Febwari 1977. Long yia ia, Elda Wiliam Wodel mo Elda Stiven Kupa, we tufala i kam long Hawae Honolulu Misin, oli kasem wok blong stap long eria ia. Wetem help we i kam long Eldred Fiukes, wan memba blong Jos we i bin muv i go long Ol Marsol Aelan blong wok, oli bin putum samting tugeta blong holem ol Jos seves insaed long bilding blong wan narafala jos.

Long fas yia ia, ol misinari oli bin baptaesem 27 konvet. Tri yia afta, Ol Marsol Aelan oli kam pat blong Maekronesia Guam Misin. Long 1984, oli bin stanemap Majuro Marsol Aelan Distrik. Membasip blong Jos i stap gohed blong gro, i go kasem we oli stanemap nambatu distrik long 1991 long smol aelan blong Kwajalein. Long 2006, oli stanemap Marsol Aelan Majuro Misin. Ol nekis tri yia i bin luk se namba blong membasip we i aktiv i kam antap bigwan, hemia from wok blong mekem ol memba oli kam aktiv, mekem baptaes blong ol konvet, mo mekem lokol lidasip i kam strong moa. Risal i kamaot long 14 Jun 2009, taem we oli oganaesem Majuro Marsol Aelan Stek.

Blong ridim ol stori blong fet mo fasin blong jenisim laef blong ol memba long Ol Marsol Aelan, luk long pej 32.