N’en ni Rayog ni Ngug Pi’

Kug alngeng ko rogon ni ngug pi’ pulwon e pin’en ni guba adag ko summer” clas, murwel, camp ko summer, nge ku boech. Ku leam nag ni ngug yoer. Me yib nga lanin’ug gubin ban’en ni kug fil ni ngug pagan’ mug mich u wun’ug ngak Someol. Ku leam nag ni gug tay e binem nga pa’ Somoel mu pagan ngak ni boed ni tirok, ni ra pi’ e kanawo’.

Dani n’uw napan, me pir’eg e nina’ rog ba chek ni dawor ni yus nag ko muruwel rog ko binem e duw, ma bin migid e raan me fal’ wathag ko ba salpiy ni u lane mail ni gaag e cha’ nib migid u lane ba gosgos. Biney e ba mich ngog ni rib mangil ni Got e ba fas, ni gub tu’uf Rok ma ra ayuweg neg.

Kug sug ko falfalen nge tu’ufeg ngak e Chitamangig u Tharmiy nge Tathapeg rog. Ran ga’ar e ngug pil! Kug adag ni ngug dag gelngin ni gub falfalen, ni ngug pining e magar ngak Got gelngin rayog rog, mug weliy e re thomthom nem rog. Boech e ma rrin’ e biney nima fal’eg e tang, yoloey e poem, fa art nag ban’en, machane gag e ku thamiy ni dabug ni ngug rrin’ reb e tinem. Ku nang ni n’en ni kemus ni rayog ni ngug pi’ ni ragu falfalen’ ngay u lane yafas rog—e ngug “dag ngak e pi’in nib mich Kristus u wun’rad rogon e ngongol nib magan’ Got ngay” (1 Timothy 4:12), mug pi’ e yafas rog ngak Kristus. Kemus e n’en nike yoeg, ma kemus e n’en ni rayog ni ngug pi’.