Mary Fielding Smith

Mary Fielding Smith, te aine ae Itiaki ni Boong Aika Kaitira ae kakaonimaki, e tiku ma tabeman ataei ngke e kabureaki kainabana n te karabuti i Liberty n tain te winta n 1838–39. Taan iowawa a katobibia ana auti mani kuribwaia, natina te mwaane e kuri ni mate imwiin te iowawa anne. Ngke buun Hyrum Smith, Mary e tiku n akea buuna imwiin tiringakin buna n te Karabuti i Carthage n Tuun 27, 1844. Ngaia ma Emma Smith a teimatoa ni kaitarai taian kataaki n ikotaki ma buna ae, Hyrum ao Iotebwa Timiti. N te bong aei, ao e rangin ni kamoamoaaki Mary bwa kanga temanna te bwaeoniia ae korakora n te Ekaretia n taai akekei.

Mary e mare ma Hyrum Smith n Ritembwa 24, 1837. Moan buun Hyrum, Jerusha, e a tia ni mate ngke e bungia natina, ao Mary e tararua natin Hyrum ae uarereke. Hyrum ao Mary iai naba uoman natiia, n ikotaki ma Joseph F. Smith, are e riki imwiina bwa te ka onoman ni Beretitenti n te Ekaretia.

Ngke a kitana Nauvoo Aika Itiaki nakon te Salt Lake Valley imwiin tiringan Joseph ao Hyrum, Mary e anga nanona bwa e na karaoa te mwananga. Ngaia ma ana utu a bukinaki nakon te mwananga n te kurubu, ao te kaaben e tuanga bwa e na riki bwa te bwai ni katabetabe nakoia tabeman ao a riai n aki karaoa te mwananga. E kaeka Mary, “N na tekeniko nakon te marua ao n na aki tangira buokau mairoum naba.”¹ E kakoauaaki bwa e kanganga aron te mwananga, ma e roko ma ana utu i Salt Lake n Tebetembwa 23, 1848, tebongina imwaain rokon te kaaben are e raraoma irouna.

Mary Fielding Smith e teimatoa ni kakaonimaki ni uaa tokin maiuna. E kabwaka ana kabwianibwai, n ana tai n akean kanana. Ngkana temanna e tuanga te bwai ae aki eti bwa e na aki kabwaka ana kabwianibwai man ana buteta ake e a tia ni uniki n te ririki anne, e kaeka, “Ko na riai ni mama ibukim. Ko aki kariaia karekean au kakabwaia? … I kabwaka au kabwianibwai, tiaki ti ibukina bwa ana tua te Atua, ma bukina bwa i kantaninga te kakabwaia man karaoakina.”² E katea ana oniman n te Salt Lake Valley man reireiniia natina taekan te euangkerio. Beretitenti Joseph F. Smith imwiina ao e taku, “E rereinai te karinerine, ao te tamaroa, ao te koaua, ao te etieti nakon abanuean te Atua, ao e reireinai tiaki ti n te taeka ma n te katotoo naba.”³