Ua faaora mama ia maua

I te onoraa o to‘u matahiti, te mata‘ita‘i ra maua to’u tuahine na‘ina‘i i te hauti taoraraa popo i roto i te ete a to maua tuahine matahiapo. Ua ho‘i to‘u papa, i reira ua hinaaro atoa maua e ho‘i i te fare na muri iho ia’na, ua horo maua na muri iho ia’na na roto i te ua. Aita ra oia i itehia ia maua, ua ho‘i faahou maua i roto i te fare tuaro no te ho‘i na muri iho i to maua mama, i to maua ra ho‘iraa i roto i te fare tuaro aita e taata faahou i reira.

Te haamana‘o ra vau i to maua pupuniraa i roto i te vairaa opani, ma te tamata i te paruru ia maua to‘u tuahine na‘ina‘i i te ua, e te pureraa e haere mai te hoê taata. I muri iho, ua haamana‘o vau i te faarooraa i te opani o to matou pereoo uteute i te paa‘inaraa, e ua horo maua i te vahi no reira mai te maniania. I muri iho, te hoê o to‘u mau haamana‘oraa puai roa‘e i to‘u tamariiraa : ua puohu to maua mama ia maua i roto i to’na na rima « mai te moa e haaputu i to’na fanau‘a i raro a‘e i to’na pererau ra » (3 Nephi 10:4). Ua faaora to‘u mama ia maua, e aita roa vau i ite i te parururaa hau a‘e o ta’u i farii i taua taime ra.

A feruri ai au i to’na faaururaa i ni‘a ia’u, ua ite au e ua faatano te oraraa o to‘u mama ia’u i ni‘a i te Faaora e ua faaite mai ia’u i te auraa mau « a faateitei mai i te rima tautau ra i ni‘a, e a faaetaeta i te mau turi avae paruparu ra » (PH&PF 81:5). Ua ti‘aturi oia i ni‘a ia Iesu Mesia, o tei horo‘a ia’na i te puai « tei ia Oe to‘u puai » (« Pee Au ia Oe » Te Mau Himene, no. 131).