Gat Strong Paoa long Tingting blong Mekem Situesen I Kam Gud Moa

Long seken naet blong stek Yang Woman kamp, i bin gat wan bigfala ren mo wan wael win. Wod blong mi i gat samples 24 yang woman we i kam long kamp wetem tu lida, mo mifala evriwan i mas go insaed long wan smol haos blong haed. Ren i foldaon strong, mo win i stap go bigwan. Mi mas mekem mi tingbaot oltaem long prea blong sefti we stek presiden i bin givim samtaem bifo. Wod blong mifala tu i bin mekem grup prea long smol haos, mo mi bin talem prea blong miwan tu.

Plante gel oli bin fraet, mo i isi blong luksave from wanem. Smol haos blong mifala i no strong tumas mo mifala i stap kolosap long wan reva. Ren ia i bin kam moa strong afta 20 minit mekem se ful stek i kamaot long ol smol haos blong wod blong olgeta mo ron i go long ol smol haos blong ol kaonsela, we i stap antap long hil, we i stap long wan ples we i antap. Stek presiden blong mi i bin mekem wan narafala prea, mo mifala i bin singsing ol hym, ol singsing blong Praemeri, mo ol singsing blong kamp blong kamfotem mifala bakegen. Yes mifala i bin fraet, be mifala i bin filim se evri samting bae i oraet. Teti minit afta, ol samting oli kam oraet mo mifala i save gobak long ol smol haos blong wod blong mifala.

Mifala i jes faenem afta wanem i bin hapen long wael win ia long naet. I bin split i go tu. Wan long tufala i bin go raon long mifala long raet saed mo narawan i go long lef. Wanem we mifala i bin kasem i no nogud tumas long wanem i hapen!

Mi save se God i harem ol prea blong mifala long naet ia mo Hem i bin protektem mifala long wan long nogud win. From wanem nao wael win ia i split long tu sapos i no God i nidim blong i olsem? Mi save se long ol strong win blong laef, oltaem yumi save prea long Papa long Heven mo bae Hem i harem mo ansarem yumi, i givim strong paoa long tingting blong yumi mo proteksen we yumi nidim blong mekem yumi gotru sef.