Soupeikasal en Powehdi Melimelo

Keriaun pwohng en camp en Pwihn en Peinakapw Akan nan ahi stake, kotou laud oh engipip. Serepein pwulopwul 24 sang nan ahi ward me iang kohla camp iangahki kaun riemen, oh kiht koaros anahne rukusang melimelo nan ehute kisin ihmw ko. Kotouo udahn mweremwer laud, oh kisiniengo wie ukuhkila. I kin anahne katkatamanohng pein ngehi kapakap me aht president en stake wiahier mwowe sen dehr lelong kahpwal. Aht ward-o pil kapakappene nan kisin imwato, oh I pil pein wia ahi kapakap.

Serepein tohto masepwehkada, oh e mengei en wehwehki kahrepe. Nimwat ihmwo sohte nohn kehlail, oh se mihte limwahn pihl ehu. Mwurin minit 20 uwen suwedlahn kisiniengo me stake-o pwon anahne tangasang ihmw tikitik me re mih loale oh tangalahng nimwen sounsawas ko, me mih pohn ukada. Ahi president en stake-o kihda pil ehu kapakap, oh se koulki koul en sarawihkan, koul kan en Primary, oh koul kan en camp pwe sen song en kansenamwahuih pein kiht. Ehng, se masepwehk, ahpw se pehm me soahng koaros pahn mwahute. Mwurin elepin awa ehu se kakehr pwurala ni imwat kisin ihmw kan en aht ward-o.

Mwuhr se ahpw esehda dahme wiawihong engipipo nihpwongo. E pwalpeseng wiahla melimel riau. Ehu pidek aht pali maun oh ehu pidek aht pali meing. Dahme se alehdio kaidehn pil ih keieu suwedih!

I ese me Koht ketin karonge aht kapakapko nihpwongo oh me E ketin doareikihtsang pali keieu suwed en melimelo. Dahme engipip ehu pahn pwalkihpeseng wiahda riau ihte ma Koht ketin kupwurki? I ese me nan melimel kan en mour, kitail kak ansou koaros kapakap ong Sahm Nanleng oh E pahn ketin karonge oh sapeng kitail, ketkihieng kitail soupeikasal oh doarapatail me anahnepe pwehn dehr lelohng kahpwal.