Mulwol ni Ngan Thapeg ni Ngan Nang, January 2012

Ayuw nge Machib ko Visiting Teaching

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.

Mich, Tabinaw, Ayuw

“Adag [e be yup’ fan] nib alamrin ko thomthom ko gol,” ke fil President Henry B. Eyring, Bin Somm’on e Counselor u lane Bin Somm’on e Presidency. “Adag e ke yib ko mich ngak Somoel Yesus Kristus ma ba n’en nike yib ko Bayul Rok.”¹ Nifan ko ppin ko Ulung ko bpin ko Galasia, Visiting Teaching e rayog ni nge mang e adag ni yibe rrin’, ba kanawo’ ni ngad murwel gad ko mich rodad ngak i Tathapeg.

Fithik e yaen ni nang salpey min fil ban’en, ma ra reb e ppin ma gadad be pi’ e ayuw ngak, yibe weliy e mulwol ko gospel, man guy ni ngan nang e n’en nib tu’uf rok nge tabinaew rok. Visiting Teaching e ke mang e murwel rok Somoel napan ni kad tiyan’ gad ko gidii’ ko bin ni ngan tin’uy ko pasent,” nibe weliy Julie B. Beck, Relief Society general president. “N’en nib riyul’, ma Visiting Teaching e darma m’ay. Ba ga’fan ko kanawo’ ko yafas ko bin ni murwel. Murwel nib yib yul’yul’ ngay ni ngan yaen ni nang salpey min fil ban’en e n’en nibe micheg e rogdad.”²

Napan ni gadad ra pi’ e ayuw nge meybil ni ayuw, ma gadad fil rogon e bin ni tha’abi mangil ni ngan machib ma ra reb e ppin man guy e tin nib tu’uf rok nge tabinaew rok. Machib e rayog nib bukun e babyor— boech e ba ga’ ma boech e gathi ban’en nib ga’. Ke fil President Thomas S. Monson ni “Pi mithmith nib achig ko murwel e tin nib tu’uf ni ngan tingiy bee’ ngalang man yibliyey: duwer nib l’ag ko tabinaew rok bee’, pi thin ko ayuw, thin nib mangil, boechi babyor nikan yoloey e magar ngay, nge bochi call,” “Fa’anra gadad be yaliy nib fal’ rogon, ma fa’anra gadad ra rrin’ e n’en nibe yib ngodad, ma rayog ni ngad rrin’ed e n’en nib mangil. … N’en ni dabyog i thi’eg e pi mithmith ko murwel ni kan pi’ ko bo’lungi salthaw ko cha’ nima yani nang salpen be’ ko Relief Society.”³

Keb ko pi Chep nib Thothup

John 13:15, 34–35; 21:15; Mosiah 2:17; Doctrine and Covenants 81:5; Moses 1:39

Yib ko Chep Rodad

U lane 1843, ma pi memba ko Galasia u Nauvoo, Illinois, e kan fu’oth raed ko aningeg e ward. U lane July ko re duw nem, ra reb e ward ma pi toygang’ ko Ulung ko bpin ko Galasia e mel’eg ulungi gidii’ ni aningeg e ppin ni fan ngay. Pin’en nib mil fan ko ulung i gidii’ e ba ma’un e tin nib tu’uf ko gidii’ nge salpiy ni yibe kunuy. Relief Society e yad ma murwel ko pi salpiy ney ni ngan pi’ ko gidi’ nib tu’uf e ayuw rorad.⁴

Napan ni picha’ nima yani nang salpen be’ e dabki kunuy e salpiy, ma kubay e bin nib mil fan ngorad ni ngar pi’yed e ayuw ko —ya’el nge dowef— man murwel ni ngan mad’eg e picha’an nib tu’uf e ayuw rorad. Eliza R. Snow (1804–87), bin migid e Relief Society general president, e ke weliy ni: “Sensey … e ra i yag e Kan Thothup rok Somoel ngorad, napan ni thap nga lane na’un ni ngan nang ko mang ya’el e ra mad’eg u rom. … Wenig ngak Got nge fare Kan ni Thothup ni nge yag [fare Kan Thothup] ya ngeyog ni ngam mad’eg e ra kan thothup nem nibay u lane re na’un nem … ma gara thamiy ni ngam mog e pi thin ko gapas, ma fa’anra guy reb e ppin nikeb e ulum gak, mag feek nga gumircha’em rogon ni gara rrin’ ngak e bitir ni ngam pi’ e gowal [ngak].”⁵

© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Pilyeg ko Visiting Teaching Message, January 2012. Yapese. 10361 905

Mange Rayog Nggu Rin?

Mang e gube rrin’ ni ngug ayuweg e pi walageg nib ppin ni ngar thamiyed ni gag e tafagar ni yaed ba tu’uf rog?
Urogon ni rayog ni ngug cheg i matangiy mug ayuweg boech e gidii’?