Noqu Masu ena Vakabauta

Niu yabaki 18, au a cakacaka me dua na dauvolivolitaki ena sitoa ni iyaya ni vale. E sa dredre dina na ituvatuva ni noqu cakacaka. Au dau cakacaka mai na 8 ena mataka ki na 10 ena bogi mai na Moniti ki na Vakarauwai. Au rarawataka baleta niu sa sega ni rawa meu vakaitavi ena inisitute kei na veitaviqaravi ni Lotu.

Au sa tekivu masu vua na Tamada Vakalomalagi ena levu ni vakabauta kau kerei Koya me vukei au meu raica tale e dua na cakacaka meu kakua ni cakacaka ena Vakarauwai me rawa kina niu lako ki na inisitute kei na veitaviqaravi tale eso.

Ena dua na siga ni cakacaka au a vukea tiko e dua na turaga. Keirau sa tekivu veivosaki, qai kaya ni cakacaka tiko ena dua na baqe levu. Au a taroga se rawa meu veiqatitaka vakacava e dua na cakacaka e tadola mai ena bisinisi oqo. A solia vei au na yacana kei na naba ni nona talevoni qai tukuna vei au ni rawa meu qiriti koya na dauveivakacurumi ka kaya niu kilai koya. Au a gole ki na baqe ka cakava na veitarogi e gadrevi. Au a pasi ka tekivu cakacaka me ono na auwa ena dua na siga mai na Moniti ki na Vakaraubuka, ka vakatolutaki na ka au a rawata tu mai ena gauna e liu.

Au kila ni Turaga e dusimaki keda ena noda gadreva me da vakabibitaka noda vakaliuci Koya taumada. E se dusimaki au tiko ga nikua. Au kila na ivakavuvuli ni masu e dina.