Au Tataro n te Onimaki

Ngke 18 au ririki, I mwakuri n titoan bwain auti bwa te tia bobwai. Au tai ni mwakuri e bon rangin ni kanganga. I mwakuri man te 8:00 n te ingabong nakon 10:00 n te tairiki, Man te Moanibong nakon te Kaonobong. I nanokawaki ibukina bwa I aki kona n ira te intitute ao ana bootaki ni kakukurei te Ekaretia.

I moanna n tataro nakon Tamau are i Karawa ma te nano ae korakora ni bubutia bwa E na buokai ni kakaea au mwakuri ae n na aki mwakuri iai n te Kaonobong bwa I aonga ni kaea te intitute ao bootaki ni kakukurei ake tabeua.

N te taina n te tabo ni mwakuri I buoka temanna te mwane. Ti moanna n taetae, ao e taku bwa e mwakuri n te bangke ae bubura. I titiraki bwa n na kanga ni kona ni mwakuri n te bitineti aei. E anganai arana ao nambwan ana tareboon ao e tuangai bwa e na tareboniia te tia kateirake n te mwakuri ao n tuanga bwa I kinaa. I nakon te bangke ao ni karaoi ukeuke ake a riai ni karaoaki. I bwaati ao ni moana au mwakuri onoua te aoa ni katoabong man te Moanibong nakon te Kanimabong, ni karekea teniua te tai okiokin au karekemwane are mai imwaina.

I ataia bwa e kairiira te Uea ngkana ti karaoia bwa ara Moanibwai n tainako. E teimatoa ni kairirai n te bong aei. I ataia bwa te reirei iaon te tataro e boni koaua.