Titita n te Ara ao te Onimaki
Maria ao Diana D. bon tiaki tii taari; bon raao aika a rangi n itangitangiri naba. Diana ai bon 10 ana ririki, ao Maria e koro 12 n Aokati ae nako. A maeka i Romania, ike e kaania 3,000 membwa n te Ekaretia. A kateimatoa ni kakorakora aia onimaki iroun Iesu Kristo man irakin te taromauri, warekan booki aika tabu, ao te tataro.
“Inanon te taromauri I a tia n reireinaki ni karekea te onimaki iroun te Atua,” e taku Maria. N te bong teuana e karaoa ana ukeuke, aingaia are e tataro nakon Tamna are i Karawa n aran Iesu Kristo ibukin buokana. Ngke e karekea ana bwi ae tamaroa, e namakinna bwa Tamana are i Karawa e a tia ni buokia.
Diana e taku bwa ana Boki Moomon e buokia ni karekea ana onimaki. “Ni katoa bong are I wareka ana Boki Moomon, I karekea te bong ae tamaroa,” e taku. Ana karaki ae tatangiria man te boki ae tabu bon karakinan Iotebwa Timiti. “E tataro, ao te Atua ao Iesu Kristo a buokia,” e taku.
Tiaokureti
Titita ni kauoman aikai aia kabanea n amarake ae a tatangiria bon te tiaokureti: Maria e tangira te burauni, ao Diana e tangira te keeke n tiaokureti.
Te Kuna ae Tatangiraki
Maria ao Diana a uaia n rabakau katangan te biano. Maria kunana ae tatangiria bon “Love One Another.” Bon taekan ana tua Iesu n tangiriia aomata tabeman. Diana e kona ni katangnga n te aro ae kororaoi, ma kabaneana bon te mwakoro ae te kabanea ni matoatoa, e taku.
“I Tangiria n Noora te Tembora”
Maria ao Diana a uaia n tangiria bwa a na mareaki n te tembora n te bong teuana. A maeka n te mwakoro ae te Kyiv Ukraine Temple District.
Ngkana Diana e a bon ikawai riki, e na nako n te Kyiv Ukraine Tembora ni karaoa te bwabetito ibukiia maate. Maria e a bon tau n nako. Te tembora e kaania 500 miles (805 km) raroana.
Te Utu Moa
Maria ao Diana a tangiriia aia karo. “Mom e kamarurungiira ngkana ti aoraki,” e taku Maria. “Dad e uotiira nakon te reirei,” e taku Diana.
Anene n Taromauri
Ana anene n taromauri ae e tatangiria Diana bon “Far, Far Away on Judea’s Plains,” are e taekina rongorongon Iesu Kristo ngke e bungiaki. Membwa i Romania a kamanenaa ana boki n anene n taromauri te Ekaretia ae kiriin. “Imnuri” nanona “anene n taromauri” i Romania.
Tamneia titita iroun Adam C. Olson; kamatataakin te keeke ao te burauni iroun Thomas S. Child