Vakavinavinaka vua Noqu Qasenivuli ni Wilivola ni Sigatabu

E sega ni dau vakawasoma na vakarokoroko ni noqu kalasi ni Wilivola ni Sigatabu. Au taleitaka meu vakarorogo ki na lesoni ena veimacawa, ia ena so na gauna e rairai eso vei ira ena noqu kalasi era sega ni vaka kina. Vakawasoma nodra veitalanoa se qito ena veiyaya vakalivaliva ena nona tovolea tiko me vakavulici keimami na neimami qasenivuli. E ka ni rarawa, ni so na gauna au dau tiki ni leqa oqori.

E dua na macawa keimami a ca sara mai na kena ivakarau, ka ni oti na kalasi, a tagi tiko neitou qasenivuli baleta ni sega ni dua e vakarorogo ki na nona lesoni. Ni keimami sa biubiu mai ena rumu ni vuli, au sa lomani koya.

A vakamacalataka neitou qasenivuli ena Sigatabu ka tarava ni a masumasu vakalevu sara ena macawa oqori, vakasaqara na veidusimaki, na ka e qai yacovi koya ni gadreva me vakaraitaka vei keimami e dua na iyaloyalo ni Lotu. A tekivuna na iyaloyalo, ka baleta na bula i Jisu Karisito kei na veika veivakurabuitaki a vakayacora o Koya.

Ena noqu vakasamataka me baleta na iyaloyalo ena yakavi bogi o ya, au vakila na duidui ni so na ka. Vakasauri sara ga noqu vakila na Yalotabu, e vakalevu cake sara mai na veigauna e liu. Vakatotolo sara ga noqu vakasamataka niu vinakata meu veisautaka na noqu bula me tautauvata vakalevu sara kei na i Vakabula, kau vakila na veika au sotava ena Wilivola ni Sigatabu ena siga o ya ni vaqaqacotaka sara ga vakalevu na noqu ivakadinadina. Au vakavinavinakataka sara ga vakalevu na noqu qasenivuli ni Wilivola ni Sigatabu kei na veika kece sara e vakayacora ena neitou kalasi ena veimacawa.