iVaqa ni Veisiko, June 2012
Siko Vuvale—e dua na Cakacaka Tabu
Wilika ka masulaka na itukutuku oqo, ke gadrevi, mo veivosakitaka kei ira na marama o sikova. Vakayagataka na taro me vukei iko mo vaqaqacotaki ira kina na marama oqo me yaco na iSoqosoqo ni Veivukei me dua na tiki bulabula ni nomu bula vakai iko.
Vakabauta, Matavuvale, Veivukei
Me vaka ni da dauveisiko, e dua tiko noda itavi bibi vakayalo me da vakayacora. “O bisopi, sa ikoya na ivakatawa sa tabaki ni tabanalevu, ena sega ni rawa me vakaraici ira tiko na sipi ni Turaga ena dua vata ga na gauna. Sa na vakararavi tiko o koya kivei ira na dauveisiko vakauqeti vakalou me ra vukei koya.”1 E yaga sara na kena vakasaqarai ka ciqomi na ivakatakila se o cei e dodonu me vakaitavi ena nodra raici na marama vakayadua.
E tekivu na veivakauqeti ena nodra masumasu ka veivosakitaka na lewe ni mataveiliutaki ni iSoqosoqo ni Veivukei na gagadre ni tamata yadua kei na veimatavuvale. Ni oti o ya, ena veivakadonui nei bisopi, na mataveiliutaki ni iSoqosoqo ni Veivukei e solia na ilesilesi ena dua na sala me vukei ira kina na marama me ra kila ni veisiko sa ikoya e dua na itavi bibi vakayalo.2
O ira na dauveisiko era veikilai vakaidina ka lomani ira yadua na marama, vukei koya ena vaqaqacotaki ni nona vakabauta, ka veiqaravi ena gauna e gadrevi kina. Era vakasaqara na veivakauqeti vakatamata yadua me ra kila nodra sauma vakacava na gagadre vakayalo kei na kena vakayago ni marama yadua era sikova.3
“Na veisiko ena yaco me cakacaka ni Turaga noda vakaliuca kina na tamata ka sega ni iwiliwili. Na kena dina, e sega ni dau oti na veisiko. Sa ivakarau ni bula ka sega ni itavi.”4
Mai na iVolanikalou
Mai na Keda iTukutuku Makawa
E vakavulica o Eliza R. Snow, ikarua ni peresitedi raraba ni iSoqosoqo ni Veivukei, “Au raica na itutu vakaqasenivuli me dua na itutu cecere ka savasava.” A vakasalataki ira na daunivesiko “mo vakasinaiti ena Yalo ni Kalou, ena yalomatua, ena yalomalua, ena loloma” ni bera ni ra laki siko vuvale me rawa kina ni ra vakadeitaka ka sotava na gagadre vakayalo vaka kina na kena vakayago. A kaya, “Ka mo gadreva mo cavuta na vosa ni sautu kei na vakacegu, ia kevaka o raica ni dua na marama e batabata, kauti koya ki yalomu me vaka e dua na gonelailai ki lomaseremu ka vakatakatai koya.”5
Ena noda toso ki liu ena vakabauta me vaka era a cakava na marama ni iSoqosoqo ni Veivukei taumada, ena tiko vei keda na Yalo Tabu ka da na vakauqeti me da kila na nodra vukei vakacava na marama yadua eda sikova. “Me [da] segata na vuku ka sega na kaukauwa,” kaya o Sisita Snow, “ka [da] na rawata na kaukauwa kece e tu vei [keda] kei na vuku me da vakayagataka.”6
© 2012 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/11. Vakadonui me vakadewa: 6/11. iVakadewa ni Visiting Teaching Message, June 2012. Fijian. 10366 858