Kam̧oolol n̄an Rūkaki in Jabōt Jikuuļ eo Aō

Kūlaj in Jabōt Jikuuļ eo aō ejjab iien otemjej kautiej. Ij iakwe ron̄jake katak eo aolep wiik, bōtaab jet iien ej āinwōt ejjab ro jet ilo kūlaj eo aō. Emakijkij aer kōnono n̄an don ak ikkure kōn electronic ko nejier n̄e rūkaki eo ej kajieon̄ katakin kōm. Ekabūrom̧ōjm̧ōj, jet iien Ij lo aō m̧ōttan jorrāān eo.

Juon wiik kōm kar nana ļo̧k āinwōt m̧okta, im ilo jem̧ļo̧k in kūlaj eo, rūkaki eo am eaar jan̄ kōnke ejjeļo̧k juon ekar ron̄jake katak eo an. Ke kōm kar diwōjļo̧k jān kūlajruum̧ eo, eaar jab em̧m̧an aō mour.

Jabōt eo tok juon rūkaki eo am eaar kōmeļeļeik bwe eaar ļap an jar ilo wiik eo, pukōt tōl, im eaar waļo̧k n̄an e bwe eaar aikuj in kwaļo̧k n̄an kōm juon pija an Kabun̄. Eaar jino pija eo, eo eaar kōn mour eo an Jisōs Kraist im kabwilōn̄lōn̄ ko E eaar kōm̧m̧ani.

Ke Iaar ļōmņak kōn pija eo joten eo, Iaar en̄jake juon men eoktak. Ejjab to Iaar kile bwe Iaar en̄jake Jetōb eo, eļapļo̧k jān aō kō kar en̄jake m̧okta ļo̧k. Ejjab etto Iaar jokālet bwe Iaar kōņaan kōm̧m̧ani oktak ko ilo mour eo aō n̄an erom ļo̧k āinwōt Rilo̧mo̧o̧r eo, im Iaar kile bwe en̄jake eo ilo Jabōt Jikuuļ eo ilo raan eo eaar lukkuun kōkajoorļo̧k naan in kam̧ool eo aō. Eļap aō kam̧oolol kōn rūkaki in Jabōt Jikuuļ eo aō im aolep men eaar kōm̧m̧ani n̄an kūlaj eo am aolep wiik.