Naan in Katak an Kōrā, Juun 2012
Jerbal in Loļo̧k an Kōrā, juon Jerbal Ekwojarjar
Lukkuun jar im ekkatak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am̧ make.
Tōmak, Baam̧le, Deeor
Āinwōt rūkaki in loļo̧k ro an Kōrā, ewōr juon ad mijen ilo jetōb n̄an kakūrm̧ool. “Bisop eo, eo ej rilale jiip eo em̧ōj kar kapit ilo ward eo, ejjab maron̄ lale aolep jiip ko an Irooj ilo juon wōt iien. Ej ej lōke rūkaki in loļo̧k ro an kōrā ro im ewōr im̧we ko n̄an jipan̄ er.”1 Pukōt im bōk m̧adenļo̧k eo āinwōt n̄an wōn ro rej aikuj in kar jitōn̄ er n̄an mije kajjojo sister ro ej raorōk.
Im̧we ej ijjino ilo an ruo uwaan būreejtōnji eo an Doulul eo an Kōrā kanooj jar ilo aer ekōnono kōn aikuj ko an kajjojo im baam̧le ko. Innām, kōn mālim eo an bisop eo, būreejtōnji eo an Doulul eo an Kōrā ej leļo̧k ijjitōn̄ ko ilo juon wāween me ej jipan̄ sister ro meļeļe bwe jerbal in loļo̧k an kōrā ej juon eddo eaorōk ilo jetōb.2
Rūkaki in loļo̧k ro an kōrā rej lukkuun jeļā im iakwe kajjojo sister, jipan̄ e kōkajoorļo̧k tōmak eo an, im leļo̧k jerbal in jipan̄ n̄e aikuj. Rej pukōt im̧we an juon make n̄an jeļā ekōjkan ņa mejļan aikuj ko ilo jetōb im kanniōk an kajjojo sister ro rej loļo̧k.3
“Jerbal in loļo̧k ko an kōrā rej erom jerbal an Irooj n̄e aolepād ej ioon armej ro im jab bōnbōn ko. Ilo m̧ool, jerbal in loļo̧k an kōrā ej jamin dedeļo̧k. Ej wāweenļo̧k juon mour jen juon jerbal.”4
Jān Jeje ko Rekwojarjar
Jān Bwebwenato eo Ad
Eliza R. Snow, būreejtōn eo eutiej kein karuo an Doulul eo an Kōrā eaar katakin, “Ij kile opiij eo an juon rūkaki eutiej im opiij ekwojarjar.” Eaar kapilōk rūkaki in loļo̧k ro an kōrā “n̄an obrak kōn Jetōb eo an Anij, kōn māletlet, kōn ettā, kōn iakwe” m̧okta jān aer loļo̧k m̧ōko bwe ren maron̄ in kile im ņa mejļan aikuj ko ilo jetōb barāinwōt ko ilo kanniōk. Eaar ba, “Kom̧ maron̄ en̄jake n̄an kōnono naan in aenōm̧man im kaenōm̧m̧an, im eļan̄n̄e kom̧ ilo juon sister ej piio̧, bōkwaj ņaiubōm̧ āinwōt n̄e kwar kōm̧m̧ane n̄an juon ajri im kōmeņeņe [e].”5
Ilo ad ilo̧k ilo tōmak āinwōt sister ro ilo Doulul eo an Kōrā jinoin tata kar kōm̧m̧ane, enaaj pād Jetōb Kwojarjar eo ippād im im̧we n̄an jeļā ekōjkan ad jipan̄ kajjojo sister ro jej loļo̧k. “Kōm̧m̧an bwe [jen] pukōt māletlet ijjelo̧kin kajoor,” Sister Snow eaar ba, “im enaaj wōr [ad] kajoor otemjeļo̧k ewōr [ad] māletlet n̄an kōjerbal.”6
© 2012 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/11. Kōmālim an Ukook: 6/11. Ukook eo an Visiting Teaching Message, June 2012. Marshallese. 10366 874