Pratham Adhyakshta ka Sandesh, June 2012
Parmeshwar Dwara Niyukt hua aur Logon Dwara Swikaar Kiya Gaya
Girjaghar ke sadasyon ke rup mein, hamein kai baar amantrit kiya jaata hai logon ko sewa ki niyukti mein swikaar karne ke liye. Saalon pehle ek 18-varsh ke vidhyaarthi ne mujhe yeh dikhlaaya ki kaise Prabhu ke sewakon ko swikaar kiya jaata hai. Main ab bhi uske vinamrata ke uddhaaran se ashirvaad praapt karta hoon.
Usne apna pehla hi saal college mein shuruwaat kiya tha. Use baptisma liye ek saal se kam hua tha jab usne ghar ko choda tha bade vishwa-vidhyalay mein apne padhaai ko pura karne ke liye. Vishwa-vidhyalay mein main uska bishop tha.
Jab padhaai ka varsh shuru hua, mainne uske saath bishop ke kamre mein ek baat-cheet kiya. Mujhe us pehle baat-cheet ke baare mein bahut kam yaad hai balki yeh ki naye jagah par uske kya chunaotiyaan thi, magar main hamara dusra baat-cheet nahin bhool sakta.
Usne chaaha ki main unse apne kamre mein milun. Main ashcharyechakit hua jab usne kaha, “Kya hum saath prarthna kar sakte hai, aur kya mai prarthna kar sakta hoon?” Mai kehne waala hi tha ki mai prarthna kar chuka tha aur yeh bhi jaanta tha ki usne bhi kar liya hoga. Par mai maan gaya.
Usne prarthna ka shuruaat ek gawahi se kiya ki woh jaanta tha ki bishop ki niyukti Parmeshwar se hua tha. Usne Parmeshwar se kaha ki woh mujhe yeh batlaaye ki ek bade dhaarmik parinaam ki stithi mein kya kiya jaaye. Us jawaan aadmi ne Parmeshwar se kaha ki woh jaanta tha ki bishop pehle se hi uske zarooraton ke baare mein jaanta tha aur use wahi salaah milegi jiski use zaroorat hai.
Uske bolte samay, jo khaas khatraaen woh saamna karne waala tha mere mann mein aaye. Woh salaah saadhaaran tha magar spasht rup se diya gaya tha: hamesha prarthna karo, aagya ka paalan karo, aur daro mat.
Woh jawaan aadmi, jiska Girjaghar mein ek saal hua tha, ne uddhaaran se sikhlaaya ki Parmeshwar kya kar sakta hai ek neta ke saath jab woh swikaar kiya jaata hai logon ke vishwaas aur prarthaanon dwara. Us jawaan aadmi ne mujhe Girjaghar ke jaane-maane niyamon ke shakti ko dikhaaya (dekhiye D&C 26:2). Bhale hi Prabhu Apne sewakon ko prakat hone ki kriya se niyukt karta hai, woh sanchalan kar sakte hai sirf jab jinhe woh sewa karte hai unhe swikaar karein.
Hamare swikriti ke mat ko dene se, hum kuch sachche vaade karte hai. Hum Prabhu ke sewakon ke liye prarthna karne ka vaada karte hai aur yeh ki Woh unhein netritav karega aur mazboot karega (dekhiye D&C 93:51). Hum vaada karte hai ki hum unke salaah mein Parmeshwar ke dwara diye gaye prerna ko dhoondenge aur use mehsoos karne ki aasha karenge aur jab bhi woh apne niyukti ki purti karenge (dekhiye D&C 1:38).
Us vaade ko hamein apne hriday mein lagataar punah-aarambh karna chahiye. Tumhaare Raviwaar Kaksha ke shikshak Aatma se padhaane ki koshish karenge, magar shaayad tumhari tarah, tumhara shikshak bhi kaksha ke saamne galtiyaan karega. Phir bhi, tum, us samay chun sakte ho un palon ko sunne aur dekhne ke liye jab tum prerna haasil karne ko mehsoos karoge. Samay aane par tumhe kam galtiyaan dikhegi aur zyaada yeh gawahi ki Parmeshwar us shikshak ko swikaar karta hai.
Jab hum apne haathon ko kisi ko swikriti dene ke liye uthaate hai, hum Prabhu ke koi bhi kaarye ko karne ke liye tayyaar hote hai jo woh aadmi ko karna hota hai. Jab hamare bachche chote the, meri patni ko hamare ward mein chote bachchon ko padhane ki niyukti mili thi. Mainne sirf apna haath use swikriti dene ke liye nahin uthaaya, magar mainne uske liye prarthna bhi kiya aur phir aagya liya use madad karne ke liye. Jo paath mainne sikha tha mahilaaon ke kaarye ko maanyeta dene ka aur Prabhu ke bachchon se prem karne ka aaj bhi mere parivaar aur mere jiwan ko ashirvaad deta hai.
Mainne abhi haal hi mein us jawaan aadmi se baat kiya jisne apne bishop ko kai saal pehle swikaar kiya tha. Mainne sikha ki Prabhu aur logon ne use swikriti di thi uske prachaarak, ek stake adhyaksh, aur ek pita ke rup mein. Hamare baat-cheet ke ant mein usne kaha, “main ab bhi har din tumhare liye prarthna karta hoon.”
Hum har din unke liye prarthna kar sakte hai jise Parmeshwar ne hamari sewa karne ke liye niyukt kiya hai. Hum use dhanyevaad de sakte hai jiske sewa ke dwara hamein ashirvaad mila hoga. Hum khud aage badhkar uski sahayta kar sakte hai jise humne swikriti di hai jab woh kaam karne waalon ke khoj mein hota hai.1
Jo Prabhu ke sewakon ka Uske raajye mein saath denge woh Uski anmol shakti dwara swikaar kiye jaaenge. Hum sab ko us aashirvaad ki zaroorat hai.
© 2012 Intellectual Reserve, Inc. dwara. Sabhi Adhikaar Surakshit. USA mein chaapa gaya. Angrezi swikriti: 6/11. Anuwaad swikriti: 6/11. First Presidency Message, June 2012 ka anuwaad. Fiji Hindi. 10366 298
Is Sandesh Mein se Shikshan
Sandesh ko baantne ke baad, is dohraane ko padho: “Prabhu tumhein Apne haathon mein ek aozaar bana lega agar tum vinamra, vishwaasi, aur saaodhaan raho. … Tum aur zyaada shakti paaoge jab tum dharam sabha dwara swikaar kiye jaaoge aur niyukti ka ashirvaad paaoge” (Teaching, No Greater Call [1999], 20). Parivaar ko kisi wazandaar cheez ke ird-gird ikattha karo aur kisi ek ko use uthaane ko kaho. Har samay par ek aur vyakti ko us cheez ko uthaane mein madad karne ke liye amantrit karo. Waartalaab kijiye ki jab sabhi madad karte hai kya hota hai. Pradhaan Eyring ke salaah par zor dein ki kis tarah se hum auron ko unke niyuktiyon mein swikaar karein.