Mwakan te Nakoanibonga

N tain te Kauoua ni Buaka n te Aonaaba, inanon moan 1944, te bwai ae riki ae irekereke ma te nakoanibonga [ao] e bon karakinaki iroun te tia koro rongorongo—ae tiaki kaain te Ekaretia—are e mwakuri ibukin te nutibeeba i Hawaii. … Ngaia ao tabeman taan koro rongorongo a mena n te kauoua n rain ibukiia mwaarin n te abamakoro ae Kwajalein. Ngke a waaki, a noora te kairake ni mwarin ni beibeti ni bobaraaki inanon taari, e mataata bwa e ikoaki ni kakaiaki. Taari ae aki nano are e katobibiia e a bon uraura n raraana. Ao imwiina a noora temanna te mwarin ae nakon raora ae ikoaki. Te kauoman ni mwarin e bon ikoaki naba, ma angana te angamaing n tinetine n aki reke arona n iterana. E tabeka atun teuare e beibeti i taari bwa e naaki bwabwa. Ni bwanaana ae nako nanona e wewetea buokana. Taan koro rongorongo a manga taraa riki te ataeinimwaane are e kabeibetia ao ni kaboa ana wewete, “Te nati te mwaane, akea te bwai ae kona ni karaoaki ibukin te ataeinimwaane aio.”

“Imwiina,” e koreia te tia kakoaua, “I noora te bwai teuana ae I tuai n nooria mai imwaaina.” Te ataeinimwaane aio, are e bon kaakaiaki ikoakina, e karekea kawaina nakon te bike ma rabwatan raona ni mwariin ae e a taraa n akea te maiu “irouna.” E “kawenea atuun raona iaon bubuan waena. … Ai terana te tamnei anne—ataeinimwaane aika uoman aikai a rangi ni kaakaiaki ikoakiia—ni kauoman … itiaki, kairake n ataeinimwaane aika tamaroa taraakiia, e ngae ngke a mena inanon aroia ae kananokaawaki. Ao te ataeinimwaane aio e kabwaouaa atuna iaon are temanna ao e taku, ‘I tuangko ngkoe, n aran Iesu Kristo ao man te mwaaka n te nakoanibonga, tiku ni maiu ni karokoa I kona ni karekea te buoka man te bwainaoraki.’” Te tia koro rongorongo e kaina ana koroboki: “Ngaira ni kateniman [mwariin ake uoman ao ngai] ti a mena ikai inanon te onaoraki. Taokita aki ataia [a kanga ni karaoa aio ni maiu], ma I ataia.”

Titiraki aika a na iangoaki raoi:

• Tera Kakabwaia aika roko nakoia Aika Itiaki ni boong aika Kaitira rinanon mwakan te Nakoanibonga?

• A kanga ni irekereke te onimaki ao te nakoanibonga—ibukiia ake iai irouia te nakoanibonga ao ibukiia ake a karekea te kakabwaia.?

Iangoa korean am iango inanon te tienero ke maroroakinna ma tabeman.