Kabwarabwarakin Ara Reirei rinanon te Tangira ao te Mwakuri n Ibuobuoki

Tataro mwaaka ni kamatebwaia te bwai n reirei aei, ngkana e riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki.

Onimaki, Utu, Buoka

Rinanon Maiuna ae mamate, E kaota ana tangira Iesu Kristo ibukiia tabeman man ana ibuobuoki nakoia. E taku, “Ane a na ataingkami aomata ni kabaneia bwa au reirei ngkami n aei, ngkana kam I tangitangiri” (Ioane 13:35). E katea te katoto ao e tangiriira bwa “kam na buokiia ake a kainnanoa [ara] ibuobuoki” (Motiaea 4:16). E weteia Ana reirei bwa ana mwakuri ma Ngaia n Ana mwakuri, n anganiia te tai ni beku ibukiia tabeman ao ni kona n riki n Arona.¹

Ara mwakuri n ibuobuoki ngaira aika taan kakawari n te mweenga ti na taraa riki ana mwakuri ara Tia Kamaiu ngkana ti tibwaua ara tangira ibukiia naake ti kawariia man karaoan bwaai aikai:²

Uringa araia ao araia kaain aia utu ao ni kinaia raoi.
Tangiriia n aki bureburei taekaia.
Tararuaia ao kakorakorai aia onimaki “temanna imwiin temanna,” n aron ae karaoia te Tia Kamaiu (3 Nibwaai 11:15).
Karekea te iraorao ae tamaroa ma ngaia ao kawariia ni mweengaia ao n taabo riki tabeua.
Tabeakina aroia aine ni kabane. Uring bonginibung, anga beeba, taian mare, bwabetito, ke taai tabeua ake a uaana nakoina.
Anga te ibuobuoki ao te boutoka nakoia membwa aika boou ao kaain te aro aika aki roroko.
Anga te ibuobuoki ao te boutoka nakoia aika a maroa ke naake a tangira te kabebeteaki.

Man Koroboki aika tabu

3 Nibwaai 11; Moronaai 6:4; Doctrine ao Covenants 20:47

Man Ara Rongorongo ni Kawai

“Iai inanon te Nu Tetemanti rongorongoia aine, aika aranaki ao aki aranaki, aika a kamwakura te onimaki iroun Iesu Kristo. … A riki aine aikai bwa taan reirei aika moan te tamaroa. … [A] mwananga ma Iesu ao Ana Abotoro ake Tengaun ma uoman. Anga nako aia bwai ni buoka Ana mwakuri. Imwiin Matena ao Mangautina, [a] teimatoa n riki bwa taan reirei aika kakaonimaki.”³

Bauro e korea taekan te aine ae arana Boibe, are te riikan n te ekaretia” (I-Rom 16:1). E tuangiia aomata bwa ana “buoka ana mwakuri ane e tangira buokana iai: bwa te tia buokia aomata aika bati neiei” (I-Rom 16:2). “Te aeka ni mwakuri ae karaoia Boibe ao tabeman aika tamaroa n te Nu Tetemanti e teimatoa ni waaki n te bong aei ma kaain te Bootaki n Aine—taan kairiiri, taan kakawari n te mweenga, tiina, ao tabeman—aika a tia n riki bwa taan ibuobuoki, ke taan buokiia, aika mwaiti.”⁴