I ropu i ta outou faaineineraa no te hoê misioni

Ua parau te Peresideni Uchtdorf i te mau misionare ia feruri ia ratou iho i ropu i ta ratou misioni. E nehenehe atoa ta outou e faaohipa i teie mana‘o no ta outou faaineinera misioni: e 12 e aore râ 18 anei to outou matahiti, e nehenehe ta outou e faaineine no te tavini i te hoê misioni.

Eaha te tahi mau mea ta outou e nehenehe e rave « i ropu » i ta outou faaineineraa misioni ?

• Ia vai ti‘amâ noa no te haere i te hiero.

• Haapii ia ite i te mau muhumuhuraa no ô mai i te Varua Maitai ra na roto i te papa‘iraa i ta outou mau muhumuhuraa e te faaohiparaa i te reira.

• A pure no te mau misionare.

• A ani i te mau misionare i roto i to outou fenua eaha ta ratou e parau ia outou ia rave no te faaineine no te tavini i te hoê misioni.

• A haapii i te faatere maitai i to outou taime, e tae noa’tu i te mau ohipa faufaa mai te ohipa taviniraa, te tai‘oraa i te mau papa‘iraa mo‘a, e te papa‘iraa i te buka aamu.

• Ia paraparau ana‘e outou i te hoê melo o te utuafare, a tai‘o i te hoê irava tei faaûru ia outou aita i maoro a‘e nei. A faaite i to outou mana‘o no ni‘a i te reira irava.

• A ani i to outou mau hoa no ni‘a i ta ratou haapa‘oraa e to ratou ti‘aturiraa. A faaite atoa i to outou mau ti‘aturiraa. A ani ia ratou ia haere mai i te pureraa e aore râ te mau faaoaoaraa.

A ite ai outou e tei ropu outou i ta outou faaineineraa no te misioni, ei reira e ti‘a ai ia outou ia ora i to outou oraraa ia riro ei mea ti‘amâ atu i te ti‘aturiraa’tu i te Fatu e i te hoaraa’tu i te Varua.