Poraus seni Fefin Chon Amwa, July 2012
Pwarata Ach Föfförun Chon Kaeo me ren Tong me Angangen Aninis
Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churi me pwan aochu manauom ren aean Fin Anisi.
Nuku, Famini, Aninis
Non unusen Manauan won ei fonufan, Jises Kraist a pwari An tong ngeni aramas ren angangen aninis ngenir. A era, “Ika oupwe tong fengen nefinemi, iwe, aramas meinisin repwe sinei pwe ami nei chon kaeo” (John 13:35). A eu minen appiru me a mochen pwe sipwe “anisi ekkena ir mi mwenene” (Mosaia 4:16). A kokkori Noun kewe chon kaeo pwe repwe angang ren I non An angang, me a ngenir ar tufich ne anisi aramas pwe repwe winiti usun chok I.1
Ach aninis non wisen fefin chon amwa epwe usun chok angangen ach Chon Amanau nupwen sia pwarata ach tong ngeni ekkewe ir sia churi ika sipwe fori ekkei mettoch:2
-
Kopwe chechemeni iter kewe me iten chon ar famini me kopwe chiechi fengen rer.
-
Kopwe tongei ir me kosap apungu ir.
-
Kopwe tumunu ir me apochokuna ar nuku “emon me emon neir,” usun chok ewe Samon a fori (3 Nifai 11:15).
-
Kopwe emon ennetin chiener me churir non imwer me non sokkopaten neni.
-
Tongei meinisin ekkewe fefin. Chechemeni ar ranin uputiw, sochungio, ranin apupunu, ranin papatais, ika pwan och sokkun fansoun mi auchea ngenir.
-
Chiechi ngeni chon mwichefen minafo ika ir mi patapatano.
-
Chiechi ngeni ekkewe ir mi anamon chok ika ir mi mochen aurur.
Seni ekkewe Pukfel
Seni Ach Uruo
“Non ewe Testamen Sofo a wor porausen fefin, ekkoch a wor iter me ekkoch ese wor iter, me ir ra awora ar nuku non Jises Kraist. … Ekkei fefin ra angangoch non ar föfförun chon kaeo. … [Ra] sai ren Jises me Noun kewe Engon me Ruemon Aposel. Ra asoreno ar pisek pwe repwe anisi An angang. Mwirin An mano me Manausefan, [ra] soposopono ar wisen chon kaeo mi nukuchar.”3
Paul a mak porausen emon fefin itan Phoebe, me i a “emon chon angangen ewe mwichefen” (Rome 16:1). A kapas eis ngeni ekkewe aramas pwe repwe “anisi neminnei minne a osupwang ren, pwe neminnei a kirokiroch ngeni chommong aramas” (Rome 16:2). “Ei sokkun angang seni Phoebe me pwan ekkoch fefin mi amwarar non ewe Testamen Sofo mi pwan soposopono ikenai ren chon Fin Anisi—souemwen, fefin chon amwa, in, me ekkoch—pwe ir mi kirokiroch, me ra anisi chommong aramas.”4
© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, July 2012. Chuukese. 10367 901
Met Ua Tongeni Fori?
-
Ifa usun ua tongeni anapano ai tufichin aninis ngeni aramas?
-
Met ua tongeni fori pwe ekkewe fefin ua tumunu repwe sinei pwe ua tongeir?