2012
Kasalehda Atail Mour en Tohnpadahk Sang ni Limpoak oh Papah
July 2012

Iren Mahsen en Padahk en Pas, Sulai 2012

Kasalehda Atail Mour en Tohnpadahk Sang ni Limpoak oh Papah

Kapakapki oh onopiki audepen iren mahsen wet, oh ni eh pahn konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih lih akan oh pwehn wiahda Pwihn en Sawas en Lih en wiahla pali kesempwal en pein ahmw mour.

Pwoson, Peneinei, Sawas

Erein Sapwellime mour pohn sampah, Sises Krais ketin kasalehda Sapwellime limpoak ong mehteikan sang ni kalkalohk ong irail. E mahsanih “Pwe ihme aramas koaros pahn esehki me kumwail nei tohnpadahk, ma kumwail pahn limpoakpene” (Sohn 13:35). E ketin wia mehn kahlemengi oh kupwurki kitail en “sewese irail akan me anahne [atail] sawas” (Mosiah 4:16). E kin ketin malipe sapwellime tohnpadahk kan en iang Ih doadoahk nan Sapwellime kalohk, oh ketkihong irail ansou mwahu en papah mehteikan oh en duwehla Ih.1

Atail papah duwen sounpadahk en pas kin rasehng kalohk en atail Sounkomouro ni ansou me kitail kin kasalehda atail limpoak ong irail akan me kitail kin pas reh ni atail kin wia me sansal pah:2

  • Tamataman edarail oh eden towe kan en arail peneinei kan oh nantihiong eseirailla.

  • Poakohng irail ni sohte kasawih de kadeik irail.

  • Sile irail oh kakehlailih pwoson en “emenemen,” duwen me Sounkomour ketin wiahier (3 Nephi 11:15).

  • Wiakinirail kompoakapah mehlel oh kin mwemweit rehrail nan arail wasahn kousoan oh pil wasa teikan.

  • Nsenohki emenemen lih. Tamataman rahn en ipwidi, kesepwil sang sukuhl, kapwopwoud, pepdais, oh rahn teikan me kesempwal ong ih.

  • Kihda sawas ong towe kapw kan oh pil irail towe kan me solahr kin nohn iang sarawi.

  • Kihda sawas ong irail akan me kin kelekelehpw de irail akan me anahne kaloalamwahu.

Sang Pwuhk Sarawi Kan

3 Nephi 11; Moroni 6:4; tehk Doctrine and Covenants 20:47

Sang Atail Poadoapoad

“Nan Kadehde Kapw mie koasoaiepen lih kei, me ekei edarail sansal ah ekei sohte sansal, me pwoson laud Sises Krais. … Lih pwukat wiahla karasaras mwahu ong ni mour en tohnpadahk. …[Re] kin ieiang Sises oh Sapwellime Wahnpoaron Ehk-riemeno. Re tohnmeteikihla arail pai pwehn sawas nan Sapwellime mwehin kalohk. Mwurin Eh ketin pwoula oh Iasada, [re] doulahte nan arail mour en tohnpadahk loaloapwoat.”3

Wahnpoaron Paul koasoaia duwen emen lih oko me adaniki Pihpe, me wia “doadoahk nan mwomwohdiso” (Rom 16:1). E peki rehn aramas oko en “sewese ni mehkoaros me e anahne sang remwail: pwe pein ih me kompoakepahn aramas tohto” (Rom 16:2). “Soangen sawas oh papah me Pihpe oh lih kesempwal teikan en Kadehde Kapw rahn wet pil wie pepeuslahte rehn towe kan en Pwihn en Sawas en Lih—kaun kan, sounpadahk en pas kan, nohno kan, oh mehteikan—me kin mwekid ni duwen me kin sawas, de soun sawas akan, en aramas tohto.”4

© 2012 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/11. Kamanaman ong kawehwe: 6/11. Kawehwehpen Visiting Teaching Message, July 2012. Pohnpeian. 10367 885

Iren sawas akan

  1. Tehk Daughters in My Kingdom: The History and Work of Relief Society (2011), 105.

  2. Tehk Handbook 2: Administering the Church (2010), 3.2.3.

  3. Daughters in My Kingdom,3.

  4. Daughters in My Kingdom, 6.

Dahme I Kak Wia?

  1. Ia duwen ahi pahn kalaudehla ahi koahiek en sewese mehteikan?

  2. Dahme I kin wiewia pwehn kak kasalehiong riei lih akan me I kin apwahpwalih me I poakpoake irail?