ʻOku ngāue fakafaifekau hoku foha ko Teilá (ʻEletā Malafooti) ʻi he motu ko Pola Polá ʻi Tahiti. Naʻá ne talamai kiate au ne toki ʻaʻahi ange ʻa e palesiteni fakasiteikí ki Pola Pola ʻo ne fakamatala ki he kau faifekaú ʻo kau ki heʻene ʻaʻahi ki ha tangata kosi ʻulu ko ha mēmipa ʻo e Siasí, ke kosi hono ʻulú. Naʻá ne ʻeke ange ki he tangata kosi ʻulú pe ko e hā ne ʻikai ke ʻi ai ai ha makasini Liahona ʻi he ngaahi tohi kehe kuó ne tuku ke lau ʻe he kau ʻaʻahi ange ki aí. Naʻe palōmesi ange leva ʻa e tangata kosi ʻulú ko ʻene toe haʻu hokó pē, ʻe ʻi ai e Liahonaai. Ka, ʻi he toe ʻalu hono hoko ʻa e palesiteni fakasiteikí ki he tangata kosi ʻulú, naʻe kei hala pē ia he Liahona. Naʻá ne lotomamahi, peá ne ʻeke ange ki he tangata kosi ʻulú pe ko e hā hono ʻuhingá. Naʻe fakamatala ange e tangata kosi ʻulú ko e taimi kotoa pē ʻokú ne tuku atu ai ha Liahoná, ʻe lau ia ʻe ha taha, pea fai ange kiate ia ha ngaahi fehuʻi lahi, peá ne toki kole ange pe ʻe lava ke ne maʻu e makasiní. Naʻe talaange ʻe he tangata kosi ʻulú naʻe ʻikai ke toe ʻi ai haʻane makasini ke foaki, ka naʻá ne toe pehē, ko e tokolahi ʻo e kakai ne nau ʻave e makasiní naʻe lolotonga fai kiate kinautolu ʻa e ngaahi lēsoni ʻa e faifekaú.

ʻOku lava nai ke ke fakakaukau ki he meʻa naʻe mei hokó kapau naʻe tuku ʻe he toketā, toketā nifo, mo e tangata kosi ʻulu kotoa pē ʻi he Siasí ha ngaahi makasini ʻa e Siasí ʻi heʻene loki talitalí? ʻOku laka ki muʻa ʻa e Siasí koeʻuhí ko e fanga kiʻi meʻa iiki mo faingofua ʻoku fakahoko ʻe he kāingalotú.

Kātaki ʻo ʻomi hoʻo fakamatalá pe ngaahi fokotuʻú ki he liahona@ldschurch.org. ʻE lava ke fakanounouʻi ʻa e ngaahi talí koeʻuhí ke lōloa feʻunga pe mahino.