Jeorļo̧k Bōd ej Bōktok Lem̧ōņōņō

Būreejtōn Uchtdorf ej katakin bwe jej aikuj jeorļo̧k an ro uwaan baam̧le eo ad bōd. Lale ewi wāween an kālet ko an Joseph im Anna jelet baam̧le eo aer.

Joseph im leddik eo jatin, Anna, rej ikkure ippān doon. Anna ej kanōk kein ikkure eo nejin Joseph jān e. Ta eo Joseph ej aikuj kōm̧m̧ane?

Joseph ej illu ippān Anna. Anna ej jan̄. Jinen Joseph eaar kauweik e kōn an ire ippān leddik eo jatin. Joseph ej būrom̧ōj bwe eaar kōm̧m̧an juon jokālet ebōd.

Joseph ej jeorļo̧k an Anna bōd im pukōt bar juon kein ikkure n̄an ikkure kake. Rej ikkure im m̧ōņōņō ippān doon. Jineer ej m̧ōņōņō bwe Joseph eaar jouj n̄an leddik eo jatin im dāpij aenōm̧m̧an eo ilo baam̧le eo. Joseph ej en̄jake an m̧ōņōņō kōn an kālet n̄an jeorļo̧k bōd.

Tokālik, Joseph im Anna rej aikuj in jipan̄ jineer kōpooj kōjota eo. Joseph ejjab jipan̄. Ta eo Anna ej aikuj kōm̧m̧ane?

Anna ej abņōņō n̄an jinen. Anna ej akwāāl kōn an iten kōm̧m̧ane jerbal eo make iaan. Ilo kōjota eo aolep rejjab m̧ōņōņō kōn akwāāl eo.

Anna ej jeorļo̧k an Joseph bōd im jipan̄ ilo kōjota eo. Jineer ej kam̧oolol kōn jipan̄ eo an Anna. Baam̧le eo ej lan̄lōn̄ ippān doon ilo kōjota eo. Anna ej em̧m̧an an en̄jake bwe eaar kālet n̄an jeorļo̧k bōd.

Ewi wāween an kālet ko am̧ n̄an jeorļo̧k bōd jelet lem̧ōņōņō eo an baam̧le eo am̧?