Sa matuai faagaeetia lava a’u i tusiga e lua i le lomiga o Aperila 2012: O le tusiga a Elder David A. Bednar, “O Le Togiola ma le Malaga i le Olaga Faitino” (itulau e 12), ma le tusiga a Kristen Nicole Cardon, “Matagofie o le Alofa Tunoa” (itulau e 10). O a’u fesili e uiga i le aoga moni o le alofa tunoa i o tatou olaga i le tino ma i la tatou tausinioga mo le ola e faavavau sa taliina lelei ai lava. Ou te faafetai mo nei tusiga—ua matuai faateleina ai lava lo’u malamalama, ma ou te mafaufau loloto pea lava pea i ai.

I le Savali a le Au Peresitene Sili ia Ianuari 2012, “Ola i se Olaga Faamanuiaina,” ua tatou le faaaofiaina ai se vaega o le upusii ia Mary Anne Radmacher. O le upusii o loo maua i le itulau e 5 o le Liahona. O le uluai upusii a Ms. Radmacher e faitauina faapea, “O nisi taimi o le lototele o le leo filemu lea i le faaiuga o le aso e faapea mai, ‘O le a ou toe taumafai a taeao.’” O loo faaalia i le, faatasi ai ma isi lomiga a Ms. Radmacher, Courage Doesn’t Always Roar (2009). Matou te faamalie atu ona o le sasi.