Si Jesucristo ang Ating Tagapagligtas

Magagamit ninyo ang aralin at aktibidad na ito para matutuhan pa ang iba tungkol sa tema ng Primary sa buwang ito.

Noong bata pa si Elder LeGrand R. Curtis Jr. ng Pitumpu, sila ng kanyang kapatid na babae ay naglalaro sa maliit na bangka sa ilog. Noong una ay masaya ang paglalaro nila, pero nang lumayo na sa pampang ang bangka, nakita nila na inaanod sila patungo sa mapanganib na bahagi ng ilog.

Humingi ng saklolo ang mga bata. Narinig sila ng kanilang ama at nagmamadaling pinuntahan ang bangka at sila’y sinagip. Iniligtas niya sila, isang bagay na hindi nila kayang gawin para sa kanilang sarili. Ginawa niya ito dahil mahal niya sila.

Kung minsan pumipili tayo ng mali at gumagawa ng mga espirituwal na bagay na naglalayo sa atin sa ating Ama sa Langit. Ipinadala ng ating Ama sa Langit ang Kanyang Anak, si Jesucristo, upang iligtas tayo. Nagdusa si Jesucristo para sa ating mga kasalanan para makapagsisi tayo at makabalik nang ligtas sa piling ng Ama sa Langit. Ginawa ng Tagapagligtas ang bagay na hindi natin magagawa para sa ating sarili. Handa Siyang gawin ito dahil mahal Niya tayo.

Mga Propetang Nagpatotoo Tungkol sa Tagapagligtas

Itugma ang bawat patotoo sa ibaba sa larawan ng propeta na nagsabi nito. Isulat sa kahon ang numero ng propeta.

“At nakita natin at sinasaksihan na sinugo ng Ama ang Anak upang maging Tagapagligtas ng sanglibutan” (I Ni Juan 4:14).
“Samakatwid, ang buong sangkatauhan ay nasa ligaw at nahulog na kalagayan, at maliligtas lamang kung sila ay aasa sa Manunubos na ito” (1 Nephi 10:6).
“Alam kong si Jesucristo ay paparito, oo, ang Anak, ang Bugtong ng Ama, puspos ng biyaya at awa, at katotohanan. At masdan, siya itong paparito upang alisin ang mga kasalanan ng sanlibutan, oo, ang mga kasalanan ng bawat taong matatag na naniniwala sa kanyang pangalan” (Alma 5:48).
“At ito ay mangyayari na sinuman ang maniniwala sa Anak ng Diyos, siya rin ay magkakaroon ng buhay na walang hanggan” (Helaman 14:8).
“Nakakita ako ng dalawang Katauhan, na ang liwanag at kaluwalhatian ay hindi kayang maisalarawan, nakatayo sa hangin sa itaas ko. Ang isa sa kanila ay nagsalita sa akin, tinatawag ako sa aking pangalan, at nagsabi, itinuturo ang isa—Ito ang Aking Pinakamamahal na Anak. Pakinggan Siya!” (Joseph Smith—Kasaysayan 1:17).
Si Jesus ay … ang Bugtong na Anak ng Ama sa laman. Siya ang ating Manunubos; Siya ang ating Tagapamagitan sa Ama. Siya yaong namatay sa krus para pagbayaran ang ating mga kasalanan” (“Buhay ang Aking Manunubos!” Liahona, Mayo 2007, 25).

1. Alma

2. Joseph Smith

3. Samuel ang Lamanita

4. Juan

5. Pangulong Thomas S. Monson

6. Lehi

Kaliwa: paglalarawan ni Jennifer Tolman; kanan: mga paglalarawan nina Jerry Thompson at Paul Mann; Thomas S. Monson, ni Knud Edsberg, SA KAGANDAHANG-LOOB NG Church History Museum