Fakakaukau Loto ki he Toetuʻú
Te ke lava ʻo fakaʻaongaʻi ʻa e ʻekitivitī fakahokohoko ko ʻení ke ke teuteu ai ki he Toetuʻú, ʻa ia ko ha taimi ke fakamanatu mo fakamanatua ai ʻa e moʻui ʻa Sīsū Kalaisí, pea mo ʻEne Fakaleleí. Kosikosi ʻa e fakatātā ʻi toʻohemá ki ha ngaahi kongokonga pāsolo ʻo hangē ko hono fakaʻilongaʻi atú. Kamata ʻi he toe ha uike ʻe taha ki he Toetuʻú, fili ha kiʻi konga pāsolo ʻi he ʻaho takitaha. Kumi e feituʻu ʻoku tuʻu ai ʻi laló pea fakahoko ʻa e meʻa ʻoku tuʻu ʻi he tuʻuʻanga ko iá ki muʻa peá ke toki fakapipiki pe tepiʻi ki ai ʻa e kongá. Ko e taimi ʻe kakato ai hoʻo fakatātaá, ko ʻene aʻu ia ki he Toetuʻú!
Hivaʻi ha foʻi hiva Palaimeli ʻoku talanoa fekauʻaki mo Sīsū Kalaisi. Te ke lava fēfe ʻo muimui Heʻene sīpingá he ʻahó ni?
Lau mo ha taha ʻo e mātuʻá ʻa e Sione 3:16–17 pea mo talanoa ki hono ʻuhingá. ʻOkú ke ʻilo fēfē ʻoku ʻofa ʻiate koe ʻa e Tamai Hēvaní?
ʻOku tau toʻo ʻa e sākalamēnití he uike kotoa pē ke fakamanatu ʻa Sīsū Kalaisi. Ko e hā te tau lava ʻo fai ke tau mātuʻaki ʻapasia ai he lolotonga ʻo e houalotu sākalamēniti he Sāpate ko ʻení?
Lau e meʻa naʻe tohi ʻe he kau ʻAposetolo moʻuí fekauʻaki mo Sīsū Kalaisí: “Ko Ia ʻa e maama mo e moʻui pea mo e ʻamanaki leleiʻanga ʻo e māmaní. Ko Hono ʻalungá ko e hala ia ʻoku fakatau ki he fiefia ʻi he moʻui ko ʻení pea mo e moʻui taʻengatá ʻi he maama ka hoko maí” (“Ko e Kalaisi Moʻuí: Ko e Fakamoʻoni ʻa e Kau ʻAposetoló,” Liahona, ʻEpeleli 2000, 2–3).
Lau ʻa e talanoa “Koeʻuhí ʻOkú Ne Moʻuí” he peesi 65. ʻE founga fēfē haʻo vahevahe ha pōpoaki Toetuʻu mahuʻinga mālie mo ho ngaahi kaungāmeʻá?
Hivaʻi hoʻo foʻi hiva Kilismasi manakoá. Ko e hā ʻokú ke manatuʻi ʻi hoʻo ako fekauʻaki mo hono ʻaloʻi ʻo Sīsū Kalaisí?
Tā ha fakatātā ʻo e talanoa ʻokú ke saiʻia taha ai fekauʻaki mo Sīsuú. Te ke lava ʻo kole ki hoʻo mātuʻá ke na tokoni atu ke ke sio he Vitiō ʻo e Tohi Tapú ki he Moʻui ʻa Sīsū Kalaisí ʻi he biblevideos.lds.org ke maʻu ai ha ngaahi fakakaukau.
Tā fakatātaaʻi ʻe Jim Madsen.