Visiting Teaching Amandzɛɛbɔ, Dzifuu 2013
Yiedzi
Mpaabɔ muara, sũa adzesuadze yi na, dɛ mbrɛ ɔsɛ no, enye nkyerɛmbaa a esera hɔn no mpɛnsapɛnsa mu. Ma nsɛmbisa no mboa wo, ma edze ahyɛ wo nkyerɛmbaa no dzen, na ɔma Relief Society ndzi adɔntsen wɔ ɔwoara w’abrabɔ mu. Ho nsɛm mbordo no, kɔ reliefsociety.lds.org.
Gyedzi, Ebusua, Mboa
Asɔr yiedzi nhyehyɛɛ no botae nye dɛ ɔboa asɔrmba no ma wɔyɛ ahodan, wɔhwɛ ehiafo na abɔbɔfo, na wɔsom binom. Yiedzi yɛ Relief Society edwuma no ne fapem. President Henry B. Eyring, Ɔpamfo a Odzi Kan wɔ President a Odzi Kan na n’Apamfo mu no akyerɛkyerɛ dɛ:
“Fitsi ahyɛse no [Ewuradze] ama kwan a N’akãdofo no dze boa. Ɔato nsa afrɛ Ne mba dɛ wontu hɔn mber, hɔn ahonyadze, na hɔnho nsi hɔ na wɔnkã No ho ma wɔnsom binom. …
“Ɔato nsa afrɛ hɛn na Ɔahyɛ hɛn dɛ yɛnkã N’edwuma ho na yempegya abɔbɔfo. Yedzi ahyɛmu wɔ enuma nsubura mu nye Nyankopɔn Ne temple krɔnkrɔn mu dɛ yɛbɛyɛ iyi. Yekenyan ahyɛmudzi no Kwesida biara ber a yedzi sacrament no.”1
Bishop anaa nkorbata president hɔn kwankyerɛ ase no, apaamu banodzifo boa wɔ sunsum nye honandua mu yiedzi ho. Akwan a yebotum dze asom taa fitsease ber a visiting teacherfo hwehwɛ nkenyan dze hu mbrɛ wobesi enya akyerɛbaa biara a wɔsera no n’ehyiadze ho nyiano.
Fi Kyerɛwsɛm no mu
Luke 10:25–37; James 1:27; Mosiah 4:26; 18:8–11; Nkyerɛkyerɛ na Ahyɛmudzi 104:18
Fi Hɛn Abakɔsɛm mu
Obiradzi 9, 1842 no, Nkɔnhyɛnyi Joseph Smith hyɛɛ Relief Society nkyerɛmbaa no dɛ “wɔmma ehyiafo mboa” na “wɔngye akra.”2 Botae nyinom da ho ara da Relief Society akoma do na yɛkã no wɔ hɛn kasatɔw mu , “Ɔdɔ mmbɔ adze da” (1 Corinthfo 13:8).
Hɛn wiadze mfɛndzanan Relief Society president a otsĩa enum, Emmeline B. Wells, na n’apamfo na wɔdze kasatɔw yi too gua wɔ afe 1913 mu dze ayɛ nkaa ama hɛn nkyerɛkyerɛ fapem no: “Yɛpaa mu kã hɛn botae dɛ…..[yebosuo] Nkɔnhyɛnyi Joseph Smith ne nkenyan nkyerɛkyerɛ no a wɔdze bɛma mbaa tum no a, ɔdaa nhyehyɛɛ no a wɔdze bodua asɔfodzi ɔfrɛ do edzi, dze ahyehyɛ mbaa wɔ ekuwekuw a ɔfata mu, wɔ ne tsirmpɔw dɛ wɔbɔsom ayarfo, wɔaboa ehyiafo, wɔakyekye mpanyimfo hɔn werɛ, wɔabɔ nyia onnyim no kɔkɔ, na wɔatsetse ngyanka no, mu dzen.”3
Ndɛ Relief Society tsen du wiadze beebiara ber a nkyerɛmbaa no kyerɛ ayamuyie, Christ no dɔ mapã no, kyerɛ hɔn fipamfo (hwɛ Moroni 7:46–47).
Ebɛnadze na Mubotum Ayɛ?
-
Ebɛn ahoboa na mereyɛ a medze bɔhwɛ moho na m’ebusua wɔ sunsum mu nye honandua afamu?
-
Mebesidɛn botum edzi Agyenkwa no Ne fasusu do ber a moboa nkyerɛmbaa a mohwɛ hɔn do ma wonya hɔn ehyiadze?