Ua i ai Nei Faamaumauga e Tasi Piliona i le FamilySearch

Ua faavasegaina (faanumeraina) e volenitia i le lalolagi atoa le faaputuga tele a le Ekalesia o faamaumauga o gafa lea na ausia i se tulaga maoae tele i le aso 19 o Aperila, 2013. I lena aso na latou ausia ai ni faamaumauga sailia e tasi piliona ua faaopoopo atu i le uepisaite a le Ekalesia o le FamilySearch e itiiti ifo ma le fitu tausaga.

Sa faatulagaina pe faavasegaina e volenitia ia faamaumauga talu mai le 1978, ae ia Setema 2006 sa faalauiloa mai ai e le Matagaluega o Talafaasolopito o Aiga se faagasologa tele ma valaaulia ai soo se tasi i soo se mea e alu i totonu i le saite lea ma saini ai ina ia auai ai i le galuega faatino o le faavasegaina o igoa.

“O le tele o faamaumauga e aumai mai se faaputuga o lola mataninii e 2.4 miliona o loo i ai ia ata pue o faamaumauga faasolopito mai atunuu ma malo e 110,” sa faamalamalama mai ai se tasi e faaaogaina le saite o le FamilySearch. “O faamaumauga e aofia ai faamaumauga o le faitau aofai o tagata, pepa fanau ma pepa maliu, laisene o faaipoipoga, faamaumauga faalemiliteli ma meatotino, ma isi faamaumauga taua o loo tausia i le lotoifale, setete, ma faigamalo a atunuu.”