Tala Fou o Malumalu

Ua amatalia le fausiaina o le uluai malumalu a le Au Paia o Aso e Gata Ai i Connecticut, ISA, ina ua maea sauniga o le suatiaina o le eleele na taitaia e Peresitene Thomas S. Monson i Hartford i le Aso Toonai, 17 Aokuso. O le Malumalu o Hartford Connecticut o le a avea ma malumalu lona lua i New England (o le isi o loo i Boston, Massachusetts) ma o se tasi o le 170 malumalu AAG o loo faaaogaina, o loo fausia, pe o loo i ai i laasaga o fuafuaga i le salafa o le lalolagi.

I le Aso Toonai, 24 Aokuso, sa taitaia ai e Elder Ronald A. Rasband o le Au Peresitene o Fitugafulu ia sauniga o le suatiaina o le eleele mo le malumalu lona lua i Colorado, ISA, le Malumalu o Fort Collins Colorado. O le isi malumalu o loo i Denver, pe tusa ma le 59 maila (95 km) i saute o Fort Collins.