Ongoongo Fakatemipalé

Kuo kamata ʻa e langa ʻo e fuofua temipale ʻo e Siasí ʻi Konekitikati, USA, hili pē ʻa e ouau tanupoú ne fakahoko ʻe Palesiteni Tōmasi S. Monisoni ʻi Haatifooti ʻi he ʻaho Tokonaki ko e 17 ʻo ʻAokosí. Ko e Temipale Haatifooti Konekitikatí ko e temipale ʻaki ia hono ua ʻi Niu ʻIngilaní (ko e tahá ʻi Positoni ʻi Mesasūsetí) pea ko e taha ia ʻo e ngaahi temipale ʻe 170 ʻo e Siasí ke fakaʻaongaʻí, langa pe palani ke langa ʻi he funga ʻo e māmaní.

ʻI he Tokonaki, ko hono 24 ʻo ʻAokosí, naʻe tokangaʻi ai ʻe ʻEletā Loni A. Lasipeeni ʻo e Kau Palesitenisī ʻo e Kau Fitungofulúu ʻa e ouau tanupou ʻo e temipale hono ua ʻi Kololato, USA, ʻa ia ko e Temipale Footi Kōlini Kololató. Ko e temipale ʻe tahá ʻoku tuʻu ia ʻi Tenivā, ʻi ha maile ʻe 59 (kilomita ʻe 95) mei he fakatonga ʻo Footi Kōliní.