Visiting Teaching Amandzɛɛbɔ, Mumu 2013
Jesus Christ No Dwuma a Ofi Sor: Ɔba a Wɔwoo no Kortoo no
Mpaabɔ muara sũa adzesũadze yi na hwehwɛ dɛ ibohu dza ibɛkyɛ. Eretse Agyenkwa N’abrabɔ na dwuma ase no besi dɛn ato wo gyedzi mu wɔ No mu na ehyira hɔn a edua visiting teaching do ihwɛ hɔn do no? Ho nsɛm mbordo no, kɔ reliefsociety.lds.org
Hɛn Agyenkwa, Jesus Christ, wɔfrɛ no Ɔba a Wɔwoo no Kortoo no osiandɛ Ɔno nko nye nyimpa a ɔwɔ asaase yi do a, enã a ɔnnkyebo na Egya bɛkyebo woo no. Onyaa sor tum fi N’Egya, Nyankopɔn hɔ. Fi Ne nã, Mary hɔ no, Onyaa nyimpadua a ɔnnkyebo a ɔtse kɔm, nsu kɔm, ɔberɛ, yaw na owu.1
Osiandɛ Jesus Christ yɛ nyia a Egya no Woo no Kortoo no ntsi, Otumii dze No nkwa too hɔ na Ɔfaa no bio. Kyerɛwsɛm no kyerɛkyerɛ dɛ “[ye]dua Christ werdambɔ no,” mu “ama [y]eenya owusoɛr” (Jacob 4:11). Yesũa so dɛ hɛn nyina “eenyan…wɔ bɛkyebo mu dze … akɔ onnyiewiei nkwa mu” sɛ “yɛbɛgye edzi a” (D&C 29:43).
Sɛ yɛbɛtse ase emudzi mu dɛ Jesus yɛ Egya No Ne Ba a Ɔwoo no Kortoo no asekyerɛ a, yɛbɔto hɛn gyedzi mu wɔ Christ mu. Elder D. Todd Christofferson a ɔkã Asomafo Duebien no hɔn Quorum ho no kãa dɛ, “Gyedzi wɔ Jesus Christ mu no yɛ pi si and taduasi dɛ (1) Ne gyinabew dɛ Nyankopɔn Ne Ba a Wɔwoo no Kortoo no, (2) No Werdambɔ a ɔmmbɔadze, na (3) Ne nyimpadua mu Wusoɛr.”2 Ndɛ mber yi mu nkɔnhyɛfo agye dase dɛ: “[Jesus Christ] nye… Ɔba a Wɔwoo no Kortoo wɔ honam mu, wiadze no Pomfo no.”3
Fi Kyerɛwsɛm no mu
Fi Hɛn Abakɔsɛm mu
Ahyɛmu Fofor mu no, yɛkenkan fa mbaa a wɔbobɔɔ hɔn edzin nye hɔn a wɔmmbobɔ a, wɔdze gyedzi wɔ Jesus Christ mu dzii dwuma, wosũae na wɔdze Ne nkyerɛkyerɛ bɔɔ bra, na wɔgyee No somdwuma, anwanwadze, nye No tumdzi ho dase. Mbaa yinom bɛyɛɛ esũafo soronko na adasefo etsitsir wɔ nkwagye edwuma no ho.
Mfatoho, Martha gyee Agyenkwa no ho dasegye a otsim dɛ ofir sor ber a ɔsee No dɛ, “Magye medzi dɛ ɔwo nye Christ no, Nyankopɔn Ba no a ɔreba wiadze no” (John 11:27).
Hɔn a ahyɛse noara wɔgyee Agyenkwa no ho dase dɛ ofir sor nye Ne nã Mary, na Ne nã busuanyi Elisabeth. Ɔbofo Gabriel kɛseraa Mary ekyir no, annkyɛr na Mary kɛseraa Elisabeth. Elizabeth tsee Mary ne nkyia no ara no, “Sunsum Krɔnkrɔn … hyɛɛ [no] mã” (Luke 1:41) na ɔgyee dase dɛ Mary bɛyɛ Nyankopɔn ne Ba ne nã.
© 2013 Intellectual Reserve, Inc. Wɔakora ho tumdzi nyina. USA na wotsintsimii. English approval: 6/13. Translation approval: 6/13. Translation of Visiting Teaching Message, Decemeber 2013. Fante. 10672 502 ne nkyerɛasee
Ebɛnadze na Mubotum Ayɛ?
-
Dɛn ntsi na ohia tsitsir ma me dɛ mebɛtse Jesus Christ Ne dzibew horow no ase?
-
Yebesi dɛn ato hɛn gyedzi mu ber a yesie hɛn ahyɛmudzi no?