O Uo mai le salafa o le Lalolagi
¡Hola, amigos!*
O i Maua o Mahonirae ma Helamana mai Mekisiko
Teu au ato!O mai e feiloai i uo mai le salafa o le lalolagi!
O Mahonirae ma Helamana o ni uso o loo nonofo i le talafatai o Mekisiko. Na faaigoaina i laua e o latou matua i igoa o ni alii maoae se toalua mai le Tusi a Mamona. O Mahonirae Morianekumeri o le uso o Iareto. Na ia vaai i le tamatamai aao o le Alii. O Kapeteni Helamana sa avea ma se taitai amiotonu. Sa ia taitaia le autau e lua afe malolosi.
O nei uso e faamoemoe ia ola e tusa ai ma faamoemoega o igoa ia na faaigoaina ai i laua e o la matua. Latou te mananao ia faapei lava o Mahonirae ma Helamana mai le Tusi a Mamona.
Sa faamauina o maua matua i le Malumalu o Guadalajara Mekisiko i le 2003. O le malumalu aupito latalata lea i le mea o matou nonofo ai. Pe a ma le ono itula e alu ai iina i le taavale. Ma te fiafia e asiasi i le malumalu ma iloa o le a i ai se aso ma te o ai i totonu, e pei lava ona faia e o maua matua i le taimi nei.
Ma te fiafia e faaalu faatasi le taimi o se aiga. O Aso Toonai uma lava matou te o ai i le matafaga e latalata ane i lo matou fale. Matou te aai i ula—o le meaai matou te fiafia i ai—ma tacos ma tortas (o se ituaiga o sanuisi). Matou te savavali i le Malecón, po o le auala o le apitagalu. Matou te fauina ni fale i oneone ma taaalo i le sami.
Ou te Fia Vaai i le Malumalu
O le Malumalu o Guadalajara Mekisiko o le lona 11 lea o malumalu e 13 i Mekisiko.
Sauni e o!
Na teu e Mahonirae ma Helamana nisi o mea la te fiafia i ai ia la ato. O fea o nei mea o le a e teuina i lau ato?
Ata na pueina e Juan Carlos Santoyo; ata na tusia e Thomas Child