ការទទួលទីបន្ទាល់មួយ មកពីព្រះវិញ្ញាណបរិសុទ្ធ
ថាម៉ារ៉ា អូ., ប្រទេស ប្រេស៊ីល
នៅពេលខ្ញុំបានចូលរួមសាសនាចក្រនៅអាយុ ប្រាំបួនឆ្នាំ ខ្ញុំបានជឿថា សាសនាចក្រពិតរួចទៅហើយ ដូច្នេះខ្ញុំគិតថាវាពុំចាំបាច់ដើម្បីសួរព្រះ ថាតើសាសនាចក្រពិត ឬអត់នោះទេ ។ បន្ទាប់ពីក្លាយជាសមាជិកអស់រយៈពេលជាច្រើនឆ្នាំមក ខ្ញុំបានចាប់ផ្ដើមសង្ស័យ ។ ពេលនោះក្នុងការប្រជុំសាក្រាម៉ង់ នៅពេលខ្ញុំស្ដាប់ទំនុកតម្កើង « ការអធិស្ឋានដំបូងរបស់យ៉ូសែប ស្ម៊ីធ » ( ទំនុកកំកើងទំព័រ 14 ) ខ្ញុំបានអធិស្ឋានសួរព្រះវរបិតាសួគ៌ បើសាសនាចក្រនេះពិត ហើយបើយ៉ូសែប ស្ម៊ីធពិតជាបានឃើញទ្រង់ និងព្រះយេស៊ូវមែនឬ ។ គំនិតមួយបានចូលមកក្នុងសតិខ្ញុំថា ពិត សាសនាចក្រនៃព្រះយេស៊ូវគ្រីស្ទ គឺពិត ហើយយ៉ូសែប ពិតជាបានឃើញព្រះជាព្រះវរបិតា និងព្រះយេស៊ូវគ្រីស្ទមែន ។ ភ្នែកខ្ញុំបានពេញទៅដោយទឹកភ្នែក ហើយខ្ញុំមានអារម្មណ៍ព្រះវិញ្ញាណបរិសុទ្ធដុតកំដៅក្នុងបេះដូងខ្ញុំ ។
ថ្ងៃនេះ ខ្ញុំអាចបញ្ជាក់ថា ព្រះវិញ្ញាណបរិសុទ្ធ បានថ្លែងទីបន្ទាល់ដល់ខ្ញុំអំពីសេចក្ដីពិតពេញលេញនៃសាសនាចក្រនេះ ។ ខ្ញុំដឹងថា យ៉ូសែប ស្ម៊ីធ បានឃើញព្រះជាព្រះវរបិតាសួគ៌ និងព្រះយេស៊ូវគ្រីស្ទ ខ្ញុំពុំអាចបដិសេធបានទេ ។ ទីបន្ទាល់នេះ បានផ្ដល់នូវភាពក្លាហានដល់ខ្ញុំ ដើម្បីចែកចាយទីបន្ទាល់ខ្ញុំជាមួយអ្នកដទៃ ។