2014
Te misioni hanahana a Iesu Mesia : Te tia‘i mamoe maitai
Fepuare 2014

Parau poro‘i na te mau tuahine hahaere, Fepuare 2014

Te misioni hanahana a Iesu Mesia : Te tia‘i mamoe maitai

A tuatapapa na roto i te pure i teie materia ma te imi ia ite eaha te faaite atu. Nahea te maramaramaraa i te oraraa o te Faaora e i Ta’na misioni e faarahi ai i to outou faaroo Ia’na e e haamaitai ai i te feia ta outou e haapa‘o nei na roto i te mau tere hahaereraa ? No te mau haamaramaramaraa hau atu, a haere i ni‘a i te reliefsociety.lds.org.

Te Faaroo, Te Utuafare, Te Totauturu

Ua haapii o Iesu Mesia, te tia‘i mamoe maitai e :

« O vai ïa taata i ô outou nei, hoê hanere a’na mamoe, ia mo‘e ra te hoê, e ore e vaiiho i te iva ahuru e iva tiahapa i te medebara ra, a haere a imi ai i tei mo‘e ra, e ia itea’tu ?

« E faaite atu hoi au ia outou, e oaoa rahi to ni‘a i te rai i te taata hara hoê ia tatarahapa » (Luka 15:4, 7).

A rahi noa ai to tatou maramarama e, o Iesu Mesia te tia‘i mamoe maitai, e rahi noa atoa to tatou hiaai ia pee i To’na hi‘oraa e ia tavini ia ratou tei ati. Ua parau o Iesu e : « O vau te tia‘i mamoe maitai ra, ua ite au i ta’u iho, e ua itehia vau e ratou … E e horo‘a hoʻi au i to’u ora no te mamoe » (Ioane 10:14–15). Maoti te Taraehara a te Mesia, eita hoê a‘e o tatou e moʻe roa e, e ore e itehia ia tatou te rave‘a no te hoʻi i te fare (hi‘o Luka 15).

Ua parau te peresideni Thomas S. Monson, « Tei ia tatou nei te hopoi‘a ia haapa‘o i te nana … E mata na tatou ia ti‘a i ni‘a no te tavini ».1

No roto mai i te mau papaʻiraa moʻa

Salamo 23; Isaia 40:11; Mosia 26:21

No roto mai i to tatou aamu

I te matahiti 1830, ua parau o Elizabeth Ann Whitney, tei tae mai i te putuputuraa matamua a te Sotaiete Tauturu e : « I te taime ihoa to’u faarooraa i te Evanelia mai ta te mau peresibutero i poro, ua ite au e te reo tera o te tia‘i mamoe maitai ».2 Ua pee o Elizabeth i te reo o te tia‘i mamoe maitai e ua bapetizohia e ua haamauhia.

Tatou atoa, e nehenehe ta tatou e faaroo i te reo o te tia‘i mamoe maitai e ia faaite i Ta’na mau haapiiraa ia vetahi ê. Ua parau te peresideni Monson e, « Tatou te rima o te Fatu i ni‘a i te fenua nei, e te faaueraa ia tavini e ia faateitei i Ta’na mau tamarii ».3

Mai te tia‘i mamoe e imi ra i te hoê mamoe mo‘e, e ti‘a atoa i te mau metua ia tapapa i te hoê tamarii tei haere ê. Ua parau te peresideni James E. Faust (1920–2007), tauturu piti i roto i te Peresideniraa Matamua : « I te mau metua o te mauiui nei, tei tape‘a maite i te parau-ti‘a, tei itoito e o te haapii tamau nei i ta ratou mau tamarii haapa‘o ore na roto i te pure, te parau atu nei au ia outou, te ara nei te Tiaʻi Mamoe Maitai i ni‘a ia ratou. Ua ite te Atua e ua taa maitai Oia i to outou oto rahi. Te vai ra te tiʻaturiraa ».4

© 2014 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane : 6/13. Parau faati‘a no te iritiraa : 6/13. Iritiraa no Visiting Teaching Message, February 2014. Tahitian. 10862 895

Te mau nota

  1. Thomas S. Monson, « Heavenly Homes, Forever Families », Liahona, Tiunu 2006, 70.

  2. Elizabeth Ann Whitney, i roto E mau Tamarii Tamahine i roto i To’u Basileia : Te aamu e te ohipa a te Sotaiete Tauturu (2011), 146.

  3. Thomas S. Monson, « Eaha ta’u i rave no te hoê taata i teie mahana ? » Liahona, Novema 2009, 86.

  4. James E. Faust, « E mea faufaa rahi mau te mau mamoe tei moʻe », Liahona, Me 2003, 68.

Eaha ta’u e nehenehe e rave ?

  1. Nahea ia ite e, o te Faaora te tia‘i mamoe maitai o te hopoi mai i te hau i roto i to tatou nei oraraa ?

  2. Eaha te mau rave‘a e nehenehe ai ta tatou e tavini atu ia ratou tei « moʻe » ê i te mau ohiparaa a te Ekalesia e aore râ ia ratou e ere no ta tatou faaroo ?

  3. Nahea vau i te tauturu i te mau metua e tamarii ta ratou tei faaatea ê i te evanelia ?