Ang mga Artist Gidapit nga Moapil sa Kompetisyon

Ang Church History Museum nagdapit sa mga artist nga Santos sa Ulahing mga Adlaw sa pagmugna og bag-ong mga buhat sa art para sa ika-10 nga International Art Competition. Ang mga artist giawhag sa paggamit sa ilang mga talento sa pagmugna og mga art nga nagpakita sa tema sa exhibit, “Suginli Ko sa mga Kaagi ni Jesus.” Para lang niining kompetisyon, ang mga buhat kinahanglang mag-focus sa mga istorya gikan sa Bag-ong Tugon.

Ang mga detalye ug online registration anaa sa lds.org/artcomp, ug ang mga artist kinsa nagpa-register makadawat og mga update. Ang mga salmot dawaton sugod Nobyembre 3, 2014, hangtud Pebrero 27, 2015. Tanang artistic media, estilo, ug kultural nga mga paagi dawaton. Ang mga partisipante kinahanglan 18 anyos o magulang pa. Ang mga salmot pagahukman, ug ang mga buhat nga napilian i-display sa Church History Museum ug sa Internet sugod Oktubre 2015.