2014
Misin Muhtahl luhn Jisus Kraist: Mwet Iwe
July 2014

Pweng ke Forfor Luti, Julahe 2014

Misin Muhtahl luhn Jisus Kraist: Mwet Iwe

Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lom Kacl ac ahkinsewowoye mwet kom liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Jisus Kraist pa Mwet Iwe lasr nuh sin Pahpah. Kahs se mwet iwe oasr okan kalmeyac nuh Latin “sie mwet suc ngihsre kacn mwet sahyac.”1 Mwet Lahngo El ngihsre sesr, orekmakihn etuh, nuhnuhnkuh, ac pahkotwen. Etuh ke ma inge kuh in nwekkuhtlac ke luhngse ac tarilacna nuh ke Iwaclah Lal.

“Porongo [Jisus Kraist] suc pa mwet iwe yurin Pahpah, suc ngihsre keim ye muhtahl—

“Fahk: Pahpah, liye kweok ac misac lal suc tiac oruh ma koluk, ke el suc kom luhngkihn; liye srahn Wen nuhtum ma kahklah, srahl suc kom sang tuh kom sifacna kuh in ahkfuhlwactyeyuck;

Ohinge, Pahpah, karuhnganwacng tamuhlwel wiyuck inge ma luhlahlfongi ke inek, tuh elos in kuh in tuhkuh nuh Yuruk ac eis moul ma pahtpaht (liye D&C 45:3–5).

Ke Kraist El oacna Mwet Iwe lasr, Elder D. Todd Christofferson ke U luhn Mwet Sap Singucul Luo ah fahk: “Arulacna yohk srihpac nuh sihk, tuh ke oacna sie pac lac ke kuhtwena ohiyac nga in oreklac ke pruhe sie siah luhn wolacna, ma Pahpah Inkuhsrao tuhmuhk El fah lohng nguhsr luhk, lah Mwet Iwe luhk, El suc tiac oruh ma koluk, suc srahl kahklah, fah ngihsre keik.”2

Ke Ma Suhmuhslah uh

Mosiah 15:8–9; Moroni 7:28; Doctrine and Covenants 29:5; 110:4

Ke Sramsram Mahtuh Lasr

Ke sramsram mahtuh luhn Alu luhn Leum, muhtwacn tuhma lutlut luhn Jisus Kraist ukwe srihkasrak Lal. Esther el sie mwet iwe luhlahlfongi yohk ac puhlaik. Mordecai kuhsin se lal el suhpwaclah sie mwe fahkwack sihmlac lal tohkohsrah ma sapkihnyuck in sikiyucklac mwet Jew, ac siyuck elan “utyak nuh yohrohl [tohkohsrah] ac kwacfe sel elan nuhnak muhnahs nuh sin mwet lal.” El fahk pac: “Na suc etuh, sahp ma na orek tuh kom in kasralac nuh ke pacl se inge?” (Esther 4:8, 14.)

Sahyacn mwe sensen in sie mwet iwe nuh sin mwet lal, Esther el insese: “Nga fah som nuh yohrohl tohkohsrah, finne lain masap: Nga fin oruh tuh misac, na nga misac” (Esther 4:16).

Na Esther el kahskahs kuhlwacng nuh sel tohkohsrah ac “faksucfi sisken niyacl tohkohsrah, tuhng ac kwacfe sel … in sikuclyac pwacpa suhlal … in lain mwet Jew.” El fahk pac, “Nga ac muhtwacnglah fuhkah ma koluk luhlahp se nuh fin mwet luhk inge?” (liye Esther 8:3, 5–6). Insiyacl tohkohsrah fihsracsrlah, ac el sang nguhsr lal.3

© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn Visiting Teaching Message, July 2014. Kosraean. 10867 868

Mwe kahsruh

  1. Liye Russell M. Nelson, “Jesus Christ—Our Master and More” (Brigham Young University fireside, Fepweri 2, 1992), 4; speeches.byu.edu.

  2. D. Todd Christofferson, “I Know in Whom I Have Trusted,” Ensign, Mei 1993, 83.

  3. Liye pac Daughters in My Kingdom: The History and Work of Relief Society (2011), 180.

Nuhnkuh Ma Inge

Iwe luhn Jisus Kraist kuh in mokle kuht fuhkah in tahfwelah pahkotwen ac nuhnak muhnahs nuh sin mwet sahyac uh?