Mwet Fuhsr
Srihke in Etuh Ninac Mahtuh Kiyuck ah
Mwet sihm se muhta fin acn Virginia, USA.
Ke sie sin project kunuck ke Muhtwacn Fuhsr ah, nga eisyucyang in kahsruh ninac kiyacl pahpah ah in sokwack mwet mahtuh lal ke sukyacn pwepuh ke microfilm ke family history center fin acn Mesa, Arizona, USA. Ke nga el tuhkweni pihtucki ac suk ke sucu lasr ah, nga muhtwacwacack in nuhnkuh: “Yac nga etuh na pwacye ke ninac mahtuh kiyuck suc muhta siskuck inge?”
Nga sokwack mwet puhkantwen ke sucu uh, ahkolah koanon mwe etuh kwaclos, ac som nuh Tempuhl Mesa Arizona in orwaclah pacptais ac ahkkweyeyucklac lalos. Tiac paht tohkoh, ninac mahtuh se kiyuck ah use nuh sihk sie un pwepuh ke sramsram mahtuh luhn sucu lal ah.
Ke srihpen el kweokkihn fahfiyen kuhpahsr kacl, arulacna ngal nuh sin ninac mahtuh kiyuck an in taip. Nga engan in kahsrwel ke computer ah. Kuht, tuhkweni suhmuhslah sramsram ke moul lal nuh ke ma wo nguhnnguhn luhn sucu lasr uh. Nga luhngse in oruh sie ip ke moul lal ac luti yohk ke ma mahtuh luhn Alu uh ke kuht tuhkweni orekma ke project inge.