Noqu Kilai Buqu Vakavinaka Sara

Ena dua na noqu cakacaka ni Goneyalewa, au a volodia meu vukei buqu me kunei ira nona qase e liu ena noqu vakadeuca na pepa ni maikorofilumu ena valenivolavola ni tuva kawa e Mesa, Arizona, Amerika. Ni keirau dabe veitikivi toka ka vakasaqarai neirau matavuvale, au vakasamataka sara: “Au sa kilai buqu tiko beka vakavinaka sara ka dabe tikivi au toka oqo?”

Keirau a kunei ira e vuqa na lewe ni matavuvale, vakarautaka nodra itukutuku, ka gole yani ki na Valetabu e Mesa Arizona ka vakayacora nodra papitaiso kei na veivakadeitaki. Oti ga vakalailai, a solia mai o buqu e dua na ibini itukutuku levu ni nona kawa.

Ena vuku ga ni tauvi koya tiko na vuvuce ni masela, e vutu vakalevu sara vei buqu me taipa. Au dau taleitaka meu vukei koya ena kompiuta. Keirau dau vola vata, na italanoa ni nona bula me ivaqa vakayalo ki na neitou matavuvale. Au taleitaka meu tiki ni nona bula kei na noqu vullica e vuqa na veika baleta na itukutuku makawa ni Lotu ni keirau duavata ena veicakacaka oqo.